О́ner • 16 Qarasha, 2018

Qaraǵandyda qara fonǵa salynǵan kartınalar kórmesi ashyldy

182 ret kórsetildi

Qaraǵandy oblystyq beıneleý óneri murajaıynda sýretshi Pıotr Kıshkıstiń «Qara fondaǵy jumystar-1» dep atalǵan jeke kórmesi ashyldy. Kórermen nazaryna qylqalam sheberiniń kartınalary keskindelgen  qara tústi 42 qaǵaz paraǵy usynylǵan. «Fonnyń qara túsi tereńdik pen kerbezdik syılaıdy», deıdi avtordyń ózi. Sýretshiniń ereksheligi de sol, ol óziniń týyndylaryn tek qana qara tústi fonǵa salady.

Jalpy, bul sýretshi josparyndaǵy úsh kórmeniń alǵashqysy. Ekinshi kórmeniń ataýy – «О́nerdegi qaryndash». Al synaq jumystarynan quralǵan úshinshi kórme «Energııa» dep atalady.

Kórme avtorynyń ıdeıasy boıynsha, kórermender sýretshiniń sheberhanasynda júrgendeı áser alýy kerek. Muny ol kórmege kelýshilermen júrgizilgen oıyn dep ataıdy. Tipti sýretshi kartınalaranyń ataýyn da jazbaǵan. Mundaı tásil kórermenmen senimdi qarym-qatynas qurýǵa septigin tıgizedi dep sanaıdy sheber.

– Onyń eńbekqorlyǵy, sheberligi, shyǵarmashylyq qııaly óte zor, stıldi sezine alýy erekshe. Mundaǵy jumystarynyń bir de birinde etıketka joq, ol óziniń oıyn eshkimge májbúrlemeıdi. Barlyǵy qara fonda, bárimiz ǵaryshqa súńgigendeı áser alamyz. Onyń týyndylaryna qarap, tuńǵıyqqa shomýǵa bolady. Quddy bir galaktıka, – degen pikir bildirdi oblystyq beıneleý óneri murajaıy dırektorynyń orynbasary Aleksandr Geht.

Pıotr Kıshkıs tek qara fonǵa sýret salyp qana qoımaıdy. Sonymen qatar ol túrli ǵımarattardyń ishki kórinisin bezendirýmen de aınalysady.

–  Men kez kelgen stıl boıynsha jumys isteı beremin. Degenmen, keskindemede anaǵurlym shynshylmyn. Meniń alǵashqy kórkem sýretim Jańa Maıqudyqtyń mádenıet úıinde tur. Odan keıin «Interfýd» kafesinde sýret saldym. Sondaı-aq úsh jyl boıy Jezqazǵanda shirkeý ishin bezendirýmen aınalystym, – deıdi Pıotr Kıshkıs.

 

Qaırat ÁBILDA,

«Egemen Qazaqstan»

Qaraǵandy

Sońǵy jańalyqtar

Tashkent tragedııasy

Sport • Búgin, 16:25

COVID-19: Pırıneı túbegi tútep tur

Koronavırýs • Búgin, 16:17

COVID-19: Nemis jurty kúres ústinde

Koronavırýs • Búgin, 13:05

COVID-19: Meksıkada aýrý azaımaı tur

Koronavırýs • Búgin, 12:34

Uqsas jańalyqtar