О́leńdi oqyǵan – QR eńbek sińirgen qaıratkeri, akter Nurken О́teýil.
***
Almatyǵa barsam meni Erlan Júnis qarsy alady,
Kózderinen bilinedi qajyǵany, sharshaǵany,
Bala syndy qalbalaqtap, alyp-ushyp məz bolady,
Qýanǵany - tipti meni jylata da jazdaǵany,
Meni kútip turǵan syndy jyldar boıy sol bir mańda,
Kóship kelgen kezi me eken Astana ma, Jambyldan ba?!.
Alataýdan aýǵan bultpen qala ishinde birge kóship,
Shashtaryna qus uıa sap, ıyǵyna gúlder ósip
Úlgeripti!
Úlgeripti shattanyp ta, sherlenip te,
«Balqybekke barmadyq pa, Zeıiphandy kórmedik pe?»,
(deıdi maǵan, bilmeı me eken olar ketip qalǵandyǵyn,
Bilmeı me eken aqyndarǵa jalǵan – eki jalǵandyǵyn?!.),
Məıhanaǵa ertip baryp, masaıraǵan kúıge enedi,
«Almatyda qalam – deıdi – maǵan – deıdi – úı beredi»,
Bilmeı me eken talaı jyldy – talaı jyrdy keshkendigin,
Keshkendigin, óziniń de Jetisýǵa kóshkendigin?!.
Gegel men Bekondy aıtyp, «oı mənisin tapshy» deıdi,
Oqyǵanyń – jaman emes, jyr jazǵanyń – jaqsy deımin.
Sulýlardy sanap shyǵyp, «eń sulýyn tapshy» deıdi,
Sulýlar da – jaman emes, súıgen jaryń - jaqsy deımin,
Aqyndardy tizip berip, "eń ulysyn tapshy" deıdi,
Uly aqyndar – jaman emes, jas aqyndar – jaqsy deımin,
Kózderime tiktep qarap, keıin kúlip jiberedi,
Sol kúlkiden eske túser Lermontovtyń bir óleńi...
«Eı, danyshpan Erlan Júnis, pəli, ǵashyq Erlan Júnis,
Qalǵan jumys – jaman emes, jaqsy – deımin – barǵan jumys»,
Men ketemin, ol qalady, beıməlim ne ańsaǵany,
Əldenege tamsanady, əldeneden tomsarady…
Kózderinen bilinedi qajyǵany, sharshaǵany,
Almatyǵa barsam meni Erlan Júnis qarsy alady…
Materıaldy daıyndaǵandar:
Baǵashar TURSYNBAIULY
Janbolat KENJEǴUL
