Jaqsy bir tanysy 3 mıllıon teńgege kondıterlik taǵamdar daıyndaıtyn qondyrǵylar alǵanymen jumysyn bastap ketýge qolbaılaý kóp bolyp, ári-sári bolyp júrse kerek. Ol osy salaǵa qyzyǵyp júrgen zeınetkerge jabdyqtaryn satýǵa kelisim beredi. Á.Qaıýpova «Damý» qory arqyly 3 mıllıon teńge kóleminde jeńildetilgen nesıe alyp, qondyrǵylardy satyp alady. Naýbaıhanany aýlasyndaǵy japsarlas úıge ornalastyryp, bir jaǵyn shaǵyn dúkenge aınaldyrady.
Jalaǵashtaǵy bes mektep pen úsh balabaqshany jáne dúkenderdi kondıterlik taǵamdarmen qamtamasyz etip otyrǵan kásipker alǵashqyda kóptegen qıyndyqqa dýshar bolyp, tún balasy uıyqtaı almaı qınalǵandyǵyn aıtady.
Úıdegi hobbıi kásibı kondıter bolýǵa azdyq etedi eken. Daıyndaǵan ónimderi tutynýshy kóńilinen shyǵýy úshin biliktilik kerek. Básekege qabilettilik syn kótermegen jerde shyǵynǵa otyrasyń. Osynyń bárinen ótken kásipker oblys ortalyǵyndaǵy mamandar kómegine júgingen. Tynymsyz izdenis, eńbekqorlyq kútken mejege jetkizdi.
Kásibı biliktiligin jetildirý úshin aldy Qyzylorda, sońy Shymkent arasynda shapqylap, túrli kondıterlerden dáris alǵan kásipker áleýmettik jelidegi reseptilerdi de paıdalanyp júr. Jańa ónim túrlerin óndirýge kóp ýaqytyn jumsady.
Osylaısha, alǵashqy asýlardy ala bastaǵan kásipker oblystaǵy Kásipkerlik palatasyna shetelden kondıter mamanyn shaqyrý usynysymen shyǵady.
Kásipkerler palatasy Áıgerimniń suranysyn eskere kele, «Bıznestiń jol kartasy-2020» memlekettik baǵdarlamasy jáne «Aǵa senorlar» qurylymy aıasynda Túrkııadan Madjıt Gorpıýz esimdi mamandy aldyrady. Túrik sarapshysynyń naýbaıhana salasyndaǵy tájirıbesi 20 jyldan asady. Naýbaıhana jáne kondıterlik iste jan-jaqtylyǵymen kózge túsken, asa bilikti mamandar qataryndaǵy sheteldik maman óziniń tájirıbesimen bólisti.
– Kásipkerler palatasynyń shaqyrtýymen Túrkııadan kelgen Madjıt bizge úlken qoldaý kórsetti. О́nimderdi ázirleýdiń ońtaıly jaqtaryn kórsetip berdi. Kremderdi jasaý tásilderin, bıskvıtti sátti shyǵarýdy, torttyń túrlerin jasaýdy úıretýde. Baıqaǵanym, biz kóp shyǵys jasaıdy ekenbiz. Madjıt bizge bar shıkizattan qaldyqsyz ónim shyǵarýdy, tipti únemdeýge deıin úıretip jatyr, – deıdi kásipker.
Á.Qaıýpova bıyl kásibin keńeıtý úshin «Aýyl sharýashylyǵyn qarjylaı qoldaý qory» AQ-nyń Qyzylorda oblystyq fılıalynan 4 mln teńge kóleminde nesıe aldy. Bul qarjyǵa talapqa saı naýbaıhana salyp, búginde tórt adamdy jumyspen qamtyp otyr.
Baqtııar TAIJAN,
«Egemen Qazaqstan»
Qyzylorda oblysy
