Kezdesý barysynda Halyqaralyq IT ýnıversıteti ınnovasııalyq jobalaryn, stýdentter men túlekterdiń Bozbala, Tazalyk, GlucMed syndy jumystaryn usyndy. Sondaı-aq ýnıversıtet basshylyǵy Premer-Mınıstrdiń orynbasaryn 3D, IITU Innovation, UNICEF, Olympic Centre, MS Laboratory sııaqty zertxanalary jáne ortalyqtarymen tanystyrdy. A.Jumaǵalıev ýnıversıtet stýdentteri men túlekteriniń texnologııalyq jáne ınnovasııalyq jumystaryna joǵary baǵa berdi.
Kezdesýge Bilim jáne ǵylym vıse-mınıstri Asxat Aımaǵambetov, Almaty qalasy ákiminiń orynbasary Arman Qyryqbaev, Aqparattyq qaýipsizdik jónindegi komıtettiń tóraǵasy Dmıtrıı Golobýrda, «Zerde» Ulttyq aqparattyq kommýnıkasııalyq xoldıngi» AQ basqarma tóraǵasynyń orynbasary Janat Jahmetova qatysty. Asqar Qýanyshuly ýnıversıtettiń «Sıfrly Qazaqstan» memlekettik baǵdarlamasyn júzege asyrýǵa sáıkes paıdalanylyp júrgen oqytý baǵdarlamasyna joǵary baǵa berdi. Aıta ketken jón, jýyrda Halyqaralyq aqparattyq texnologııalar ýnıversıtetimen «HackDay 2018» ınnovasııalyq ıdeıalar festıvali ótip, festıval aıasynda 500 joba usynylǵan bolatyn. Keıin A.Jumaǵalıev Almaty qalasyndaǵy ýnıversıtet rektorlary jáne elimizdegi iri IT kompanııalar dırektorlarynyń qatysýymen qorytyndy jıyn ótkizdi.
Jıyn barysynda árbir qatysýshy IT salasyn damytý, Qazaqstandaǵy bilim berý salasyn jaqsartý máseleleri boıynsha óz usynystaryn jetkizdi. Sondaı-aq Premer-Mınıstrdiń orynbasary ál-Farabı atyndaǵy Qazaq ulttyq ýnıversıtetinde, Qazaqstan-Brıtan texnıkalyq ýnıversıtetinde, Q.Sátbaev atyndaǵy Qazaq ulttyq texnıkalyq ýnıversıtetinde jáne Almaty energetıka jáne baılanys ýnıversıtetinde boldy.
