− Mektep ashanasyndaǵy balalarǵa beriletin astyń durys bolýyn qadaǵalaıtyn arnaıy monıtorıngtik top qurdyq, − dedi Semeı qalalyq bilim bóliminiń bastyǵy Natalııa Fesenko, − ata-analardy osy top quramyna enýge shaqyramyz.
Semeıdegi mektep bitirgen túlekter jyl saıyn top-tobymen Reseıge ketip jatyr. Bul jastardyń Qazaqstandaǵy joǵary oqý ornyna túsýge múmkindigi joq. Sebebi UBT-da jınaǵan baly tómen. Osy oraıda ata-analardyń biri Lılııa Vıktorovna oqýshylardyń jyl boıy mektepishilik UBT emtıhandaryn 90-nan joǵary balǵa tapsyrǵanymen, joǵary oqý ornyna barǵanda jınaıtyn baly tómendep qalatynyn, sondyqtan bul shákirtterdiń elimizde qalýyna bir amal jasaý kerektigin jetkizdi.
− Iá, mundaı problema bar, − dedi N.Fesenko, − Semeıde mektep bitirgender Reseıdiń kórshi Barnaýl qalasyna oqýǵa túsýdi ádetke aınaldyrǵan. Onda bilim berý deńgeıi MMÝ-men birdeı emes. Qazaqstandyq oqýshylardyń týǵan jerinde bilim alýy úshin jyl boıy mektepte tapsyrǵan emtıhandary da esepke alynýy tıis. Muny biz qoldaımyz. Bolashaqta bir ońtaıly sheshimi jasalady.
Sol sııaqty qala mańyndaǵy Prıgorod orta mektebinen kelgen Meıramgúl esimdi ata-ananyń aıtýynsha, balalarǵa arnalǵan tegin úıirme, sporttyq seksııalar bolǵanymen, onda sabaq beretin turaqty adam joq. Eger kúzde úıirme jetekshisi bir aı eńbek demalysyna shyqsa, qys túse aıaz bastalyp, syrtqa shyǵý múmkin bolmaı qalady. Sondyqtan turmysy tómen otbasylardyń balalary úshin tegin úıirme, seksııalar úzbeı jumys istep turýy tıis. Bul balalardyń, jasóspirimderdiń araq pen temekiden, basqa da las áreketterden, bos júristerden aýlaq bolyp, ýaqyttaryn mańyzdy ótkizýine sep bolmaq.
Raýshan QABJANQYZY,
«Egemen Qazaqstan»
SEMEI
