«О́mir úshin saıys» qaıyrymdylyq týrnıriniń dástúrli kómegi

Almatyda ótken jyly tennısten dástúrli qaıyrymdylyq týrnırin ótkizgen «Play4Life» (ómir úshin saıys) bastamashy toby bıylǵy jyldy da qaıyrymdylyq saıysynan bastady. Astana qalasynda Ulttyq tennıs orta­lyǵyndaǵy «Dáýlet» sport klýbynda alǵash­qy qaıyrymdylyq týrnıri bolyp ótti. Astana qalasynyń ákimdigi, Qazaqstan Respýblıkasy Tennıs federasııasy jáne Astanadaǵy Ulttyq tennıs ortalyǵynyń qoldaýymen «Play4Life» bastamashy toby uıymdastyrǵan saıys «Play4Life Open Astana» tennıs sporty áýesqoılary arasynda boldy.

Almatyda ótken jyly tennısten dástúrli qaıyrymdylyq týrnırin ótkizgen «Play4Life» (ómir úshin saıys) bastamashy toby bıylǵy jyldy da qaıyrymdylyq saıysynan bastady. Astana qalasynda Ulttyq tennıs orta­lyǵyndaǵy «Dáýlet» sport klýbynda alǵash­qy qaıyrymdylyq týrnıri bolyp ótti. Astana qalasynyń ákimdigi, Qazaqstan Respýblıkasy Tennıs federasııasy jáne Astanadaǵy Ulttyq tennıs ortalyǵynyń qoldaýymen «Play4Life» bastamashy toby uıymdastyrǵan saıys «Play4Life Open Astana» tennıs sporty áýesqoılary arasynda boldy.

Qaıyrymdylyq týrnırin uıymdast­y­rýda­ǵy basty maqsat elimizdegi balalar úıleri men jetim balalar men múgedekter ortalyqtaryna qarjylaı qoldaý kórsetý bolyp tabylady. Týrnırdi uıymdastyrýshylar úshin bul – vo­lonterlik is-shara jáne jyl saıynǵy kommer­sııalyq emes joba. 2006 jyldan beri júıeli júzege asyrylyp kele jatqan saıystyń bıyl jetinshi ret Astanada jalǵasyn tabýy, árıne, quptarlyq jáıt.

Atap aıtarlyǵy, týrnırge qazaqstandyq jáne sheteldik «Samuryq-Qazyna fınans» JShS, SK «Farmasııa» AQ, «BG Kazakhstan», «Arcelor Mittal», «Mega Centre Astana»,  «Bec­h­­tel International» jáne basqa kompanııalardyń 22 jetekshisi qatysyp, óz sheberlikterin synǵa saldy. Qaıyrymdylyq týrnırine  «Mobil» jáne «Varta» saýda markaly «Kulan Oil» JShS, «Evrazııskıı bank» AQ, «Mont Blanc» saýda markasy, «Sentras Inshýrans» AQ jáne basqa da kompanııalar qatysyp, belsendilik tanytty. Sondaı-aq, jeke tulǵalar da óz úlesterin qosty, sonyń nátıjesinde barlyǵy 2 mıllıon teńge jınaqtaldy.

Qaıyrymdylyq týrnıriniń ashylý saltanatynda ony uıymdastyrýshylar – Erlan Bal­ǵarın men Elena Soı jáne Astana qala­syndaǵy Ulttyq tennıs ortalyǵynyń basshy­ly­­ǵynan Qýandyq Eljanov sóz sóıledi. Bir quptarlyǵy, bul saıysqa qatysýshylarǵa qazaqstandyq tennıs juldyzdary – M.Kýkýshkın, G.Voskoboeva jáne Iа.Shvedova Avstra­lııanyń Melbýrn qalasynan «Play4Life Open Astana» týrnırine qatysýshylarǵa arnap beınejoldaý jiberýiniń mańyzy zor boldy.

Tennısten ótken qaıyrymdylyq saıysynan túsken qarajat «Ana men bala ulttyq ǵylymı ortalyǵy» AQ-qa aýdarylmaq. Bul ortalyqta qant dıabetimen syrqattanatyn bir jastan on segiz jasqa deıingi 340 bala emdelýde. Túsken qarajattyń qalaı paıdala­nyl­ǵan­dy­ǵy jónindegi esep elimiz Tennıs federa­sııa­sy­nyń saıtynda jarııalanatyn bolady.

Qanat ESKENDIR.

Almaty.