Qazaq kúresi

О́NEGELI IS О́RISIN KEŃEITEIIK

Keshe Astanada qazaq kú­resinen Elbasy – Ult kósh­basshysy Nursultan Nazar­baevtyń júldesi úshin «Qa­zaqstan Bary­sy» respýb­lıkalyq týrnırin uıymdas­tyrý­shy­lar bıylǵy ótetin jarys týraly málimet berdi.

Bul týrnır byltyr «KTK» telearnasynyń bas dırektory Arman Shoraevtyń bastamasy­men elimizde tuńǵysh ret ótken bolatyn. Sol kezde ol halyq arasynda úlken qoldaýǵa ıe bo­lyp, oǵan myńdaǵan balýan qatyssa, sonyń ishinen iriktelgen eń tańdaýly 64 balýannyń fınaldyq saıys­ta «Qazaqstan Barysy» degen mártebeli ataq úshin beldeskeni belgili. Osy jarysta Almaty oblysynyń týmasy bolsa da Qyzylorda oblysynyń atynan synǵa túsken Ulan Rysqul je­ńimpaz atanyp, bas júldege ıe boldy. Sodan beri osy týrnırge qyzyǵýshylyq artyp, qazir ony joǵary deńgeıde ótkizý úshin jumystar júrgizilýde.

О́NEGELI IS О́RISIN KEŃEITEIIK

Keshe Astanada qazaq kú­resinen Elbasy – Ult kósh­basshysy Nursultan Nazar­baevtyń júldesi úshin «Qa­zaqstan Bary­sy» respýb­lıkalyq týrnırin uıymdas­tyrý­shy­lar bıylǵy ótetin jarys týraly málimet berdi.

Bul týrnır byltyr «KTK» telearnasynyń bas dırektory Arman Shoraevtyń bastamasy­men elimizde tuńǵysh ret ótken bolatyn. Sol kezde ol halyq arasynda úlken qoldaýǵa ıe bo­lyp, oǵan myńdaǵan balýan qatyssa, sonyń ishinen iriktelgen eń tańdaýly 64 balýannyń fınaldyq saıys­ta «Qazaqstan Barysy» degen mártebeli ataq úshin beldeskeni belgili. Osy jarysta Almaty oblysynyń týmasy bolsa da Qyzylorda oblysynyń atynan synǵa túsken Ulan Rysqul je­ńimpaz atanyp, bas júldege ıe boldy. Sodan beri osy týrnırge qyzyǵýshylyq artyp, qazir ony joǵary deńgeıde ótkizý úshin jumystar júrgizilýde.

Bul týraly keshegi kezdesýde «Qazaqstan Barysy» týrnırin uıymdastyrý komıtetiniń múshe­leri jan-jaqty aıtyp berdi. Al bul komıtettiń quramyna Sport jáne dene shynyqtyrý isteri agent­tigi tóraǵasynyń orynba­sa­ry Elsııar Qanaǵatov, «KTK» telearnasynyń bas dırektory, «Qazaqstan Barysy» qazaq kúre­sin damytý qoǵamdyq qory qam­qor­shylar keńesiniń tóraǵasy Arman Shoraev, Dúnıejúzilik qa­zaq kúresi federasııasynyń prezıdenti Serik Tókeev, Mádenıet jáne aqparat mınıstrligi Aqpa­rat jáne muraǵat komıtetiniń tóraǵasy Bolat Qalııanbekov, «Samuryq-Qazyna-Astana» korporatıvtik qorynyń at­qa­rý­shy dırektory Serik Juma­ǵa­lıev kirip otyr.

Kezdesýde olar «Qazaqstan Barysy» sııaqty qazaq kúresin damytýǵa arnalǵan ǵalamat týr­nırdiń maqsaty men mańyzy týraly aıta kelip, osy jarysty ótkizýge baılanysty óz salalary boıynsha istelip jatqan ju­mys­­­tarymen bólisti. Máse­len, A.Shoraevtyń aıtýynsha, jo­ba­nyń basty maqsaty – ba­lýan­dar­dyń áleýmettik jaǵdaı­yn jaq­sar­tý, tól kúresimizdiń órisin ke­ńeıtý, ulttyq dástúrdi jańǵyr­tý arqy­ly óskeleń u­r­paq­tyń boıynda otansúıgishtik qasıet­ter qalyp­tastyrý, qazaq kúre­si­niń Azııa, Olımpııa oı­yn­dary­nyń baǵdar­la­masyna enýi­ne yq­pal etý. Sonymen birge, ol osy jarys ar­qy­ly qazaq kú­re­sin elimizdegi №1 sport túrine aınaldyrý maqsaty qoıylyp otyrǵanyn aıtty.

Kezdesýde E.Qanaǵatov týrnırge memleket tarapynan úl­ken qoldaý kórsetiletinin, qa­zaq kú­resi sııaqty ulttyq sport túr­le­rine qazirgi kezde barlyq jaǵdaı jasalyp jatqanyn jet­kizse, S.Tó­keev bıylǵy ótetin jarys­tyń erejesi men erek­she­lik­teri týraly aıtyp berdi. Onyń aıtýynsha, bıylǵy jarys tórt kezeń boıynsha naýryz ben qyrkúıek aılary araly­ǵyn­da ótkiziledi. Mysaly, bi­rin­shi kezeń naýryz ben sáýir aralyǵynda aýyldyq eldi mekenderde ótse, ekinshi ke­zeńdegi jarystar mamyr men maý­sym aılary aralyǵynda ótip, aý­dan­dyq, qalalyq jerler­di qam­­tıdy. Osy jarystarda je­ńim­paz atanǵandar úshinshi kezeń­de, ıaǵnı oblystyq irikteý jarys­taryna qatysyp, odan ári tór­tinshi kezeńde, 16-18 shilde ara­lyǵyn­­da ótetin saıysta kúsh synasady. Bul jarys Almaty qala­syn­da úsh kúndik oqý-jat­tyǵý kezinde ótkiziledi. Al «Qa­zaq­stan Barysy» týrnıriniń fı­naldyq saıysy 15-16 qyr­kúı­ek kúnderi Astanada ótedi. Oǵan tek túıe balýandar ǵana qaty­sa­dy. Bas júlde – Taıtuıaq pen Al­tyn belbeý bolady. Je­ńim­­­paz, son­daı-aq 150 myń AQSh dollaryn ıele­nedi. Ekin­shi, úsh­in­­shi oryn alǵandarǵa kú­mis já­ne qola belbeý taǵylady. Olar aq­shalaı syılyqqa da ıe bolady.

Bıylǵy týrnırdiń taǵy bir ereksheligi – fınalǵa 64 emes, 32 balýan ǵana qatysa alady. Oǵan ár oblystan 2 balýannyń ǵana qatysýǵa múmkindigi bar jáne balýandardyń ózi sol ob­lystyń týmasy bolýy kerek. Sonymen birge, týrnırdiń júl­de qory 50 mıllıon teńgeni qu­raıtyn bolady. Bul soma ótken jylǵy júlde qorynan 10 mıllıon teń­­gege artyq. Qomaqty aqsha 1-8 oryn alǵan balýan­darǵa jáne olardyń bapker­le­rine beriledi.

Bıyl «Qazaqstan Barysy» týr­­nırin «Saryarqa» velotrek kesheninde ótkizý josparlanýda eken. Týrnır týraly tolyǵy­raq málimetti www.kazakhstanbarysy.kz saıtynan alýǵa bolady.

Dastan KENJALIN.