Mańǵystaý oblystyq týrızm basqarmasynyń basshysy О́.Bısaqaevtyń aıtýynsha, 2017 jyly Mańǵystaý oblysyna 205 904 týrıst kelgen. Bul 2016 jylǵa qaraǵanda 7 prosentke óskendigin kórsetedi. 205 904 saıahattaýshynyń 177 178-i el azamattary ıaǵnı ishki týrızmdi quraıdy. Al, 280 726 adam shetelden kelgen.
Al, 2020 jylǵa deıin aımaqqa at basyn tireıtin qonaqtardyń sany 400 myńǵa deıin ósedi, 2025 jylǵa deıi bul kórsetkish 700 myńnan asatyn bolady.
- Osyǵan baılanysty 7-8 myń oryndy quraıtyn qonaq úıler salynatyn bolady. Qazirgi tańda oblysta 82 qonaqúı bar, onyń ishinde «3-4-5 juldyzdy» sanatymen 16 qonaq úı jumys istep tur, dedi basqarma basshysy. Qonaq úıler men basqa da týrıstik nysandardyń qurylysyn salýǵa qajetti ınvestısııany qamtamasyz úshin 5 jylǵa arnalǵan jospar qurylyp jatyr. Jergilikti bılik Kaspıı jaǵalaýy boıymen Aqtaý qalasynan Quryq portyna deıin jaǵajaı týrızmin damytpaqshy. Aýmaqtyń uzyndyǵy 63 shaqyrym. Jasalyp jatqan týrızmdi damytý memlekettik baǵdarlamasyna jetispeıtin elektr qýatymen, sýmen, gazben qamtý, sonymen qatar qoldanystaǵy joldy tórt jolaqqa deıin keńeıtý qurylystary boıynsha jobalar engizildi. Bul jumystarǵa respýblıkalyq bıýdjetten 2019-2020 jyldarǵa 27 mıllıard teńge qarajat baǵyttaý josparlanýda.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
