Kezdesý barysynda bas basylymnyń tynys-tirshiligi, gazette bolyp jatqan ózgerister men jańa jobalar týraly keńinen sóz boldy.
«Baýyrjan Momyshulynyń «Kenshi de, qoıshy da, ǵalym da, traktorshy da, zııaly qaýym da, bári – ustazdan» degen sózi bar. Sondyqtan ustazdyń bizdiń qoǵamda jóni de, joly da bólek. О́ıtkeni mıllıondaǵan urpaq sizderden qanattanady. Ata-anadan keıingi qudiret te – osy ustazdar qaýymynda», dedi jıyn barysynda gazet sholýshysy Súleımen Mámet.
О́z kezeginde sóz alǵan ustazdar ujymy el gazeti «Egemennen» oqyǵysy keletin taqyryptary týraly oılaryn ortaǵa saldy.
«Men endi 15 jyldan keıin mektepke muǵalim tabý qıyn bola ma dep qorqamyn. Nege deseńiz, qazirgi ata-analarymyzdyń kóbiniń oıy – balalarynyń grantqa túsýi ǵana. О́ziniń taǵdyr jolynda tańdaǵan mamandyǵyna mahabbatpen kelmegesin odan jaqsy muǵalim shyqpaıdy. Qazir muǵalimniń aılyǵy kóterilip jatyr. Keı jerlerge barsaq, eldiń bári 20-30 paıyz qosyldy deıdi. Bul bizdiń aı saıynǵy alatyn jalaqymyzǵa emes, bazalyqqa ǵana qosyldy. Taǵy bir másele oqýdy bitirip kelgen jas mamandardyń alatyn aılyǵy – shamamen 80 myń teńge. Jas mamanda páter joq. Er balalar bir kostıýmmen júre beremiz. Qyz balalardyń tutynatyn zattary kóp. Odan bólek, iship-jeıtin tamaǵyna, páteraqysyna, jaryq, sýǵa taǵy tóleıdi. Meniń oıymsha, eń birinshi muǵalimniń mártebesin kóterý úshin jas mamandarǵa arnap jataqhana salyp berý kerek. Muǵalimniń aılyǵyn kótersek, turmystyq jaǵdaıyn jaqsartsaq qana búgingi oqýshylar keleshekte muǵalim mamandyǵyna mahabbatpen keletin bolady», dedi «Úzdik pedagog» ataǵynyń ıegeri Qabanbaı Beketuly.
Jıyn sońynda mektep dırektory Roza Ábilákimqyzy Raıymbek batyr atyndaǵy №50 «Qazǵarysh» mektep-lıseıiniń muǵalimderi «Egemen Qazaqstan» gazetin kitaphanadan jazdyryp oqyp júrgenderin tilge tıek etip, aldaǵy ýaqytta redaksııamen birlese jumys isteýdi jalǵastyra beretinderin jetkizdi.
Raýan QAIDAR,
«Egemen Qazaqstan»
