«Rýhanı jańǵyrý» baǵdarlamasynyń aıasynda ótken festıval halqymyzdyń mádenı murasyn saqtaýdy, dástúrli án men ulttyq mýzyka aspaptaryn dáriptep, olardy ulttyq qundylyǵymyz retinde halyqqa keńinen nasıhattaýdy murat tutty. Aımaqtyq án festıvaline Qamystyǵa irgeles Denısov, Jitiqara aýdandarynan da talantty ónerpazdar qatysty.
О́ner jarysynda qazaqtyń dástúrli halyq ánderin shyrqaǵan B. Malyshev, A. Elshibaev, J. Turmaǵanbet, T. Ilimjanov, Á. Ǵubaıdýllına, Á. Qajıeva, D. Qashqymbaev ánge sýsaǵan kórermenderdi ónerimen rıza etti. Ánshiler halyq ánderimen qatar qazaq kompozıtorlarynyń keń taraǵan ánderine de oryn berdi. Olarǵa aýdan ákiminiń «Alǵys haty» men aqshalaı syılyqtar tabys etildi.
«Osy festıvaldi aldaǵy ýaqytta jyl saıyn dástúrli ótkizip turamyz degen uıǵarymǵa keldik. Halqymyzdyń bir baılyǵy – án óneri. Ony nasıhattaýda jáne jas urpaqtyń rýhanı sýsyndaýy úshin bul festıval osyndaı sharalardyń qajettigin kórsetti» deıdi Qamysty aýdandyq mádenıet bóliminiń basshysy Gúlnar Jumabaeva.
Názıra JÁRIMBET,
«Egemen Qazaqstan»
Qostanaı
