«Aqtóbe oblysy - Qazaqstannyń negizgi kólik jáne tranzıttik toraptarynyń biri, sondyqtan kólik ınfraqurylymyn damytýǵa erekshe nazar aýdarylady. Bıyl oblys joldaryn salýdy jáne jóndeýdi qarjylandyrý bir jarym ese ósti. Barlyǵy 37,5 mlrd teńge bólindi. Osy qarajatqa 400 shaqyrym avtokólik joly jóndelip, salyndy, bul 2017 jylǵa qaraǵanda júz shaqyrymǵa artyq»,- dedi óńir basshysy.
Anaǵurlym iri jol jobalarynyń qatarynda «Astana-Aqtóbe-Atyraý-Astrahan», «Aqtóbe-Orsk», «Aqtóbe qalasyndaǵy ońtústik aınalma», «Shubarqudyq-Oıyl-Qobda-Sol-Ilesk», «Dóń-Nıkeltaý-Badamsha» avtokólik joldarynyń ýchaskelerindegi jóndeý-qurylys jumystary bar.
Aqtóbe qalasynda jóndelgen joldardyń jalpy uzyndyǵy 27,6 shaqyrymdy qurady. Osy jyly Aqtóbede kólik salasynda birqatar aýqymdy jobalar júzege asyryldy. Atap aıtqanda, eki aınalma jol aıryǵy bar týnneldi ótpejol ashyldy. Sazdy ózeni arqyly ótetin kópir men Aqtóbe ferroqorytpa zaýyty aýdanyndaǵy Aqtóbeden shyǵyp ketetin jolda ótpejol salyndy. Quny 2,1 mlrd teńge bolatyn jobany júzege asyrý ótken jyldyń maýsym aıynda bastalǵan bolatyn. Uzyndyǵy 67 metr bolatyn ótpejol qalany «Batys Eýrorpa-Batys Qytaı» halyqaralyq kólik dálizimen jalǵap, sonymen qatar, kólikterdiń «Aqtóbe-Mártók» avtokólik jolynda temirjol joldaryn kedergisiz ári qaýipsiz ótýin qamtamasyz etti.
Jalpy, jańa kólik jol aıryqtary oblys ortalyǵynyń ortalyq kóshelerindegi trafıkti azaıtýǵa kómektesedi.
Temir QUSAIYN,
«Egemen Qazaqstan»
Aqtóbe oblysy
