Aqjoltaı habar Mavrıkıı astanasy Port-Lýı qalasynda ótip jatqan Materıaldyq emes mádenı murany qorǵaý jónindegi Úkimetaralyq komıtet otyrysynda maquldandy.
«Qorqyt ata murasy: epos mádenıeti, halyqtyń ańyz áńgimeleri men áýenderi» nomınasııasyn Qazaqstan, Ázerbaıjan men Túrkııa birlese ázirlep, usynǵanyn buǵan deıin habarlaǵan edik. Al «Qazaq atbegileriniń dástúrli kóktemgi ádet-ǵuryptary» halqymyzdyń «qymyz muryndyq», «bıe baılaý» jáne «aıǵyr qosý» sekildi ǵuryptaryn qamtıdy.
Qazaqstan IýNESKO-nyń osy bedeldi qurylymynyń jumysyna alǵash ret tolyqqandy múshe retinde qatysyp otyr. Elimiz bıylǵy maýsymda Parıjde ótken 7-shi sessııasynda Materıaldyq emes mádenıetti qorǵaý jónindegi konvensııa quramyna engen edi.
Osymen adamzatqa ortaq materıaldyq emes mádenı muranyń reprezentatıvtik tizimine engen elementterdiń sany onǵa jetti. Buǵan deıin dombyramen kúı oryndaý jáne kıiz úı tigý óneri, aıtys, qazaq kúresi, Naýryzdy merekeleý, qusbegilik, qatyrma nan pisirý, asyq oıyny atalǵan tizimge engen bolatyn.
