Alash qozǵalysy kóseminiń eńbekteri men ǵylymı dara jolyn taldaý úshin Tashkent, Reseı, Túrkııa, О́zbekstan, Qyrǵyzstan memleketterinen jáne Qazaqstannyń birqatar qalalarynan ǵalymdar men professorlar munaıly astanada bas qosty.
Oblys ákimi Nurlan Noǵaev qatysqan plenarlyq májiliste Halel Dosmuhamedulynyń eńbekterin baıandaýmen qatar, ǵalym eńbekterin jastar arasynda nasıhattaý máselesi sóz boldy.
- Qazirgi jahandaný kezeńinde de sonaý jyldary Halel Dosmuhamedov bastaǵan Alash zııalylarynyń bastamalary men ıdeıalary, el,jer, táýelsizdik tarıhı árqashan sanamyzda jańǵyrady. Professordyń ǵylymı ómirin, oǵan qatysty barlyq maǵlumattardy ıgergen mamansyzdar. Jańa bilim men jańashyl oılar talqyǵa túsip, búgingi kóterilgen máseleler konferensııa qorytyndysy boıynsha sheshimin tabatynyna senemin, - dedi aımaq basshysy.
Konferensııa aıasynda shet elden kelgen jáne jergilikti mamandar baıandamalaryn oqyp, ortaq oı tastap, professordyń ǵylymı jolyndaǵy derekterdi jańǵyrtty.
Jıynnan soń kelgen qonaqtar qaladaǵy arnaýly oqý oryndarynda «Haleltaný» kýrstaryn ótkizip, stýdentterge arnaıy dáris oqydy.
