Ortalyqtyń ashylý saltanatyna qatysqan «Azamattarǵa arnalǵan úkimet» kommersııalyuq emes aksıonerlik qoǵamy óńirlik fılıalynyń dırektory Qanat Tólepuly Kóshi-Qon ortalyǵy negizinen Qazaqstan men shet el azamattaryna kórsetiletin memlekettik qyzmet sapasyn joǵarylatý, qolaıly jaǵdaı jasaý jáne qyzmetti paılanýshy men qyzmet kórsetýshi arasyndaǵy sybaılas jemqorlyq táýekelin joıý maqsatynda qurylǵanyn atap ótti.
«Jyl basynan beri qostanaılyqtarǵa 650 myń memlekettik qyzmet kórsetildi, onyń 10 prosenti elektrondyq formatta boldy.Jańa ashylǵan ortalyqta halyqtyń kóshi-qonyna baılanysty 21 qujat berý boıynsha memlekettik qyzmettiń 13 túri kórsetiledi. Demek, osyndaı servıstik úlgidegi ortalyqtar qurý maqsaty memlekettik qyzmetti barynsha avtomattandyrý jáne memlekettik organdar derekqoryn biriktirý bolyp tabylady» deıdi Qanat Tólepuly.
«Turǵyndarǵa barlyq kóshi-qon qyzmeti elektrondyq kezek tártibimen «Bir tereze» ustanymy boıynsha kórsetiledi. Ol úshin ortalyqta barlyq jaǵdaı bar. Eger buryn azamattrarǵa bir qujat úshin birneshe mekemelerge barý kerek bolsa, qazir sonyń barlyǵyn Kóshi-qon ortalyǵynana alady» dedi Oblystyq departament polısııasy Kóshi-qon qyzmeti basqarmasynyń bastyǵy Qaırat Dútpaev. О́zbekstan turǵyny Ýchkýn Karımov Kóshi-qon ortalyǵy ashylysymen qujatyn alǵash alǵandardyń biri eken.
«Men kóp ýaqyttardan beri Qazaqstanda jumys isteımin. Sondyqtan kóshi-qonǵa baılanysty qyzmet túrlerin talaı ret alýyma týra kelgen. Mysaly, sheteldik azamatqa salyq tóleý úshin JTN alý kerek. Buryn mundaı nómirdi alý úshin birneshe kúniń ketetin. Al qazir ol bir sátte qolyńda bolady. Munda termınaldar kómegi boıynsha salyq ta tóleı beredi ekensiń. Bul kimge de bosla óte yńǵaıly» deıdi Ýchkýn.
Ortalyqta múgedek jandar úshin pandýstar, kólik qoıatyn oryndar, medısınalyq kabınet, «Qazposhta» kassasy, Halyq bankiniń termınaly bar. Sıfrlandyrýdyń arqasynda jumys ta, qujat toltyrý da jeńildedi, móldirlik óz aldyna taǵy áńgime.
Názıra Járimbet,
«Egemen Qazaqstan»
Qostanaı
