Kadrlyq ózgerister jaıly oblys ákimi Erlan Qoshanov aktıv otyrysynda málimdedi.
– QR Prezıdenti Ákimshiliginiń kelisimimen jáne meniń ókimimmen Ermaǵanbet Qabdollauly Bólekpaev oblys ákiminiń orynbasary bolyp taǵaıyndaldy, – dep málimdedi aımaq basshysy.
Ermaǵanbet Bólekpaev 1975 jyldyń 2 qyrkúıeginde Qaraǵandy oblysyndaǵy Shet aýdanynyń О́spen aýylynda dúnıege kelgen. «Qarjy jáne nesıe» jáne «Quqyqtaný» mamandyqtary boıynsha eki joǵary bilimi bar. 1996 jyly E.A.Bóketov atyndaǵy Qaraǵandy memlekettik ýnıversıtetin, 2003 jyly A.N.Gýmılev atyndaǵy Eýrazııa ýnıversıtetin támamdaǵan.
Memlekettik qyzmette 1998 jyldan beri jumys istep keledi. Ortalyq memlekettik organdarda eńbek etý tájirıbesi bar. QR Indýstrııa jáne saýda mınıstrliginde túrli laýazymdarda qyzmet etken. QR Parlament Senaty depýtatynyń kómekshisi boldy. 2003-2009 jyldar aralyǵynda Pavlodar oblysynda oblys ákimi apparaty jetekshisiniń orynbasary, Pavlodar qalasy ákimi apparatynyń jetekshisiqyzmetterin atqarǵan. Pavlodar aýdanynyń ákimi, oblystyq kásipkerlik jáne ónerkásip basqarmasynyń basshysy boldy. 2009 jyldan 2013 jylǵa deıin QR Memlekettik qyzmet isteri jónindegi agenttiktiń Qaraǵandy jáne Ońtústik Qazaqstan oblystaryndaǵy, sondaı-aq Astanadaǵy basqarmalaryna jetekshilik etken.2013 jyldyń maýsymynan bastap 2018 jyldyń aqpanyna deıin Astananyń Saryarqa, Almaty jáne Esil aýdandarynyń ákimi boldy. 2018 jyldyń aqpanynan bastap osy kúnge deıin QR Prezıdenti Ákimshiliginiń memlekettik ınspektory qyzmetin atqarǵan.
«Ereń eńbegi úshin» medalimen marapattalǵan.
Qaırat ÁBILDA,
«Egemen Qazaqstan»
Qaraǵandy
