Búgin osy ortalyqta 18 sábı ómir esigin ashypty. Sonyń úsheýi egiz eken. Jalpy, oblys boıynsha búgin 30-ǵa jýyq náresteniń kindigi kesilipti (túske deıingi derekter). Ákimdik qyzmetkerleri sábıli bolǵan árbir anany palatasyna kirip quttyqtap, jyly lebizderin bildirip, tósek, avtokreslo, arba sekildi qajetti dúnıelerdi saltanatty túrde tabys etti.
Palatalardy aralaý barysynda eki ana yrymdap, jańa týǵan nárestelerine Nursultan dep at qoıǵanyn jetkizdi. «Búgin erekshe kún. Barsha oblys turǵyndaryn aıtýly kúnmen quttyqtaımyn. Myna ǵajapty kórmeısizder me, Tuńǵysh Prezıdent kúninde Ana men bala ortalyǵynda úsh egiz bala dúnıege keldi. Jalpy, kún saıyn óńirimizde 60-qa jýyq sábı ómir esigin ashady. Jylyna 22 myńnan astam bala kindigin kestiredi. Sońǵy úsh jylda oblysta balalar emhanalaryn jabdyqtaýǵa erekshe kóńil bólinip jatyr. Bul maqsatqa jergilikti bıýdjet esebinen 4,7 mıllıard teńge kóleminde qarjy bólindi. Semeı qalasy men Aıagóz men Altaı aýdandaryndaǵy perzenthanalardy úshinshi deńgeıge kóterdik. 50-ge jýyq bala dárigeri shet elde oqyp keldi. Kelesi jyly osynsha dárigerlerdi taǵy da oqýǵa jiberemiz», - deıdi oblys ákiminiń orynbasary.
Azamat QASYM,
«Egemen Qazaqstan»
О́SKEMEN
Sýretterdi túsirgen Tileýbek ShAIаHMET
