Biraq, Jergilikti ózin-ózi basqarý bıýdjetin engizý boıynsha ákimderdiń birtalaı jaýapsyz qalǵan suraqtary da bar. Osy maqsatta Memlekettik basqarý Akademııasy elimizde «Aımaqtyń damýyna baǵyttalǵan jergilikti ózin-ózi basqarý júıesiniń transformasııasy» taqyrybynda bıýdjettiń 4-shi deńgeıin engizgen 1062 aýyldyq aýmaq ákimderi úshin semınar ótkizbek.
Elimizdegi Prezıdent janyndaǵy Memlekettik basqarý akademııasynyń oblystyq fılıalynda 32 aýyldyq aýmaq ákimderi úshin oqytý semınary uıymdastyrylýda.
Fılıal mamandarynyń aıtýlarynsha, bıýdjettiń 4-shi jeke deńgeıine ótken aýyldyq aýmaqtar ákimderine arnalǵan semınar óte ózekti. Aýyl ákimderi jobalyq menedjmentti qalaı jasaý kerektigin úırenýde.
Semınarlarda tálimgerlerimen, memlekettik basqarý jáne oblystyq basqarmalar sarapshylarymen aýyldarǵa arnap jobalar jasalady.
Ákimder jobalaryn talqylaýǵa múmkindik alyp, ony naqty qorǵap shyǵa alady. Jobalar tájirıbe júzinde iske asyrylady.
Semınar nátıjesinde qatysýshylar bıýdjettik úrdis pen kommýnaldyq menshikti basqarý, vedomstvolyq ákimshilik-aýmaqtyq birliktiń salyqtyq áleýetin eskere otyryp kiris bazasyn qurý boıynsha tájirıbelik sabaqtaryn oqyp úırenýde.
Mysaly, belgili bir aýyldyq aýmaqtyń negizgi áleýmettik máselelerin sheshýge baǵyttaǵan 32 joba jasaldy.
Bıyl Memlekettik basqarý akademııasynyń fılıaly birneshe semınar ótkizdi. Olardyń barysynda memlekettik bıýdjettiń tórtinshi deńgeıin engizý úrdisteri zertteldi. Baıanaýylda ótken semınarǵa Baıanaýyl, Maı, Sharbaqty, Aqqýly aýdandary men Aqsý, Ekibastuz qalalarynan barǵan 50 ákimi qatysyp qaıtty.
Oblys ákimdigi apparatynyń bastamasymen bıyl 12-13 qarasha aralyǵynda bıýdjettiń 4-nshi deńgeıin engizgen 67 aýyldyq aýmaq ákimderimen «Jeke bıýdjetti qurý. Ákimshilik aıyppul salýdyń tártibi» taqyryby boıynsha keńeıtilgen semınar ótkizildi.
Farıda BYQAI
«Egemen Qazaqstan»
PAVLODAR
Sýretti túsirgen: Valerıı Býgaev
