«Turǵyn úı qurylysyna salynatyn ınvestısııa jyl saıyn artyp keledi. Kelesi jyly onyń kólemi 25 mıllıard teńge bolady dep josparlap otyrmyz. Bul baspanaly bolatyn adamdar sany kóbeıe túsedi degen sóz» dedi Arhımed Begejanuly. «Aeroport» shaǵyn turǵyn aýdanynda №26 jáne 33 úılerdi « RSO Sáýlet» qurylys kompanııasy sapaly salyp bitirdi. Eki úıge 1,5 mıllıard teńge jumsady.
Sonymen qatar «Iýbıleınyı» shaǵyn turǵyn aýdanynda «BK-Stroı» fırmasy salǵan №39 úıdiń turǵyndary da oblys ákimi qolynan pátiriniń kiltin aldy. Bul oblysta «7-20-25» baǵdarlamasyna qatysqan alǵashqy páter ıeleri bolatyn. Úı 11 aıda salynyp bitti.
«7-20-25» baǵdarlamasy boıynsha salynǵan alǵashqy úıdiń sapasy óte joǵary. Osydan týra bir jyl buryn bul jerde jalańash dala bolatyn. Bul aýdanda bir jyldyń ishinde 47 ǵımarat boıy kóterdi. Onyń ishinde tek turǵyn úıler ǵana emes, áleýmettik nysandar da bar. Bul aýdanda ınfraqurylym tolyq qamtamasyz etiletin bolady» dedi Arhımed Begejanuly.
Sonymen qatar, ákim bıyl áleýmettik az qorǵalǵan adamdar úshin olardyń alǵashqy jarnalary sýbsıdııalanatynyn aıtty. Árıne, ol qaıtarylatyn qarjy bolǵanmen, úlken jeńildikti sezinedi. Merdiger fırma osy úılerdiń barlyǵyna jergilikti qurylys materıaldaryn paıdalandy.
Bıyl «Nurly jer» baǵdarlamasy boıynsha oblysta 300 myń sharshy metr turǵyn úı tapsyrylatyn bolady.
Názıra Járimbet,
«Egemen Qazaqstan»
Qostanaı
