–Tuńǵysh Prezıdent kúninde armandaryńyzdyń oryndalyp jatqany – jaqsylyqtyń nyshany. Shańyraqtaryńyzda jylylyq, jaılylyq ornap, úılerińizge jańa baqyt qonady dep oılaımyn .Biz Prezıdentimizdiń «Nurlyjer» jáne «7-20-25» bastamalarynyń arqasynda oblysta jáne jalpy respýblıkada turǵyn úı qurylysyn belsendi túrde júrgizip jatyrmyz. Jáne jyl saıyn bul kólemdi arttyra beremiz,–dedi Erlan Qoshanov.
Paıdalanýǵa berilgen jańa úıde 130 páter bar. Aı saıyn tólenetin ótemaqy quny baspananyń kólemine baılanysty: bir sharshy metri – 736 teńge. Nesıe tolyq jabylǵan soń, turǵyndar páterdiń menshik ıesi atana alady.
Jańadan qonystanýshylardyń aıtýynsha, bul baǵdarlama qandaı da bir sebeptermen ıpotekalyq nesıe ala almaıtyndar úshin baspanaly bolýǵa tamasha múmkindik beredi.
Tuńǵysh Prezıdent kúninde Balqash qalasynyń, Abaı jáne Osakarov aýdandarynyń turǵyndary da «Nurly jer» prezıdenttik baǵdarlamasynyń arqasynda baspanaly boldy.
Sonymen qatar, mereke kúni tek páter kiltteri ǵana tabys etilmeı, birqatar áleýmettik nysandar da saltanatty túrde ashyldy.
Qaırat ÁBILDA,
«Egemen Qazaqstan»
Qaraǵandy oblysy
