О́z sózinde Qazaqstannyń Ispanııadaǵy Elshisi Konstantın Jıgalov shetelde qazaq ádebıeti ortalyqtaryn ashý jobasy qoǵamdyq sanany transformasııalaý boıynsha «Rýhanı jańǵyrý» memlekettik baǵdarlamasynyń aıasynda júzege asyrylyp jatqandyǵyn atap ótti. Sondaı-aq, Elshi Qazaqstan Prezıdenti Nursultan Nazarbaevtyń «Uly dalanyń jeti qyry» atty jýyrdaǵy baǵdarlamalyq maqalasy «Rýhanı jańǵyrý» bastamasynyń jalǵasy ekendigin jáne Qazaqstannyń tarıhı jáne mádenı murasyn ózektendirýge yqpal etetinine nazar aýdardy.
Is-sharaǵa QR Ulttyq akademııalyq kitaphanasynyń bas dırektory Ý. Munalbaeva, AECID Mádenı jáne ǵylymı baılanystar jónindegi dırektory M. Albero, AECID kitaphanasynyń dırektory M.A. Garsııa Martın, agenttiktiń qyzmetkerleri, Ispanııanyń joǵary oqý oryndarynyń ókilderi, ıspan tilindegi kazaq poezııa men prozasy «Antologııa» jobasynyń qatysýshylary, sondaı-aq qazaq dıasporasynyń ókilderi qatysty.
Saltanatty rásimniń qorytyndylary boıynsha, Qazaqstan Respýblıkasynyń Ulttyq akademııalyq kitaphanasy men Damý jónindegi halyqaralyq yntymaqtastyq boıynsha ıspan agenttiginiń (AECID) kitaphanasy arasynda áreketterdiń jalpy hattamasyna qol qoıyldy.
