tańda bul boksshylardyń ekeýiniń de dańqy dúrkirep tur. Máselen, 33 jastaǵyDeonteı Ýaılderdiń boıy 201 santımetr. Áýelde áýesqoılar arasynda judyryqtasqan ol 2008 jyly Beıjiń Olımpıadasynda qola medaldi ıelendi. Kásipqoı rıngte kúsh synasyp júrgen 10 jyldan asa ýaqyt aralyǵynda AQSh-tyń alyby 40 kezdesý ótkizip, barlyǵynda jeńiske jetti. 39 qarsylasyn nokaýtpen utty.
30 jastaǵy Taıson Fıýrıdiń boıy 206 santımetr. Áýesqoı rıngte ol jastar arasyndaǵy álem jáne Eýropa birinshilikteriniń júldegeri atandy. 2008 jyldan beri kásipqoılarmen judyryqtasýda. Sol kezden beri 27 ret sharshy alańǵa kóterilip, barlyq básekede basymdyq tanytty. 19 kezdesýdi merziminen buryn aıaqtady.
básekeniń toǵyzynshy raýndyna deıin tarazy basy teńselip turdy. Osy oraıda, sál ǵana basymdyqqa Fıýrıdiń ıe bolǵanyn aıta ketken jón. Alaıda sońǵy raýndtarda qarqynyn kúrt kúsheıtken Ýaılder qarsylasyn eki ret nokdaýnǵa jiberdi. Biraq der kezinde es jıǵan Ulybrıtanııanyń ókili jekpe-jekti jalǵastyrdy. Jekpe-jek aıaqtalǵannan keıin tóreshiler biraz oılana-tolǵana kele «báseke teń aıaqtaldy» degen sheshimge keldi. Osylaısha, alyptar arasyndaǵy aıqasta jeńimpaz anyqtalǵan joq. Sonyń nátıjesinde Deonteı ÝaılderWBC nusqasy boıynsha álem chempıony ataǵyn saqtap qaldy.
Ǵalym SÚLEIMEN,
«Egemen Qazaqstan»
