Básekeniń basynan aıaǵyna deıin qonaqtar ústemdik qurdy. Birinshi kezeńde Stefan Da Kosta men Aleksandr Kýcherıavenko mergendik tanytsa, úzilisten keıin Pavel Akolzın soqqan shaıbaǵa «Avtomobılıstiń» oıynshylary eki golmen jaýap qaıyrdy. Bul goldardyń avtorlary –Naıdjel Doýs pen Anatolıı Golyshev. Úshinshi kezeńde Anatolıı Golyshev, Stefan Da Kosta, Artem Gareevjáne Naıdjel Doýs nysanany dál kózdedi. Buǵan astanalyqtar bir ǵana shaıbamen jaýap qaıtara aldy. Bul goldyń avtory – Kerıs Volk. Qorytyndy esep – 2:7.
Qazirgi kezde «Barys» turaqty birinshilikte toǵyzynshy oryndy ıelenýde. 32 kezdesý ótkizgen jerlesterimiz 44 upaıdy enshileýde. Shaıba aıyrmashylyǵy – 106-93. Erteń astanalyqtar jarys kestesinde besinshi orynda turǵan Magnıtogorskiniń «Metallýrg» klýbyn qabyldaıdy.
Ǵalym SÚLEIMEN,
«Egemen Qazaqstan»
