Mádenıet jáne sport mınıstrligi, Astana qalasy ákimdigi jáne «Áziret Sultan» memlekettik tarıhı-mádenı qoryq-mýzeıiniń uıymdastyrýymen ótken kórme úsh bólimge toptastyrylǵan. Onda «Áziret Sultan» memlekettik tarıhı-mádenı qoryq-mýzeıi qorynan 60-tan astam jádiger qoıyldy.
Kórmeniń birinshi bóliminde Elbasy N.Á.Nazarbaevtyń 1985 jyly Qazaq KSR Mınıstrler kabınetiniń basshysy, Táýelsiz Qazaqstannyń Tuńǵysh Prezıdenti tusyndaǵy, baýyrlas Túrkııa Respýblıkasynyń prezıdentteri Turǵyt О́zal, Súleımen Demırel, Ahmet Sezer, Abdýlla Gúl, Rejep Taııp Erdoǵan, О́zbekstan Respýblıkasynyń tuńǵysh Prezıdenti I.Karımovpen, 2018 jylǵy Túrkistandaǵy resmı saparlarynan syr shertetin fotosýretteri ekspozısııadan oryn aldy.
Kórmeniń ekinshi bólimi Qoja Ahmet Iаsaýı murasyna arnaldy. Qoja Ahmet Iаsaýıdiń artynda qalǵan baǵa jetpes muralary HVIII ǵasyrǵa tán «Dıýanı hıkmet» kitabynyń qoljazba jáne baspa nusqalary, HIH ǵasyrda qaıta kóshirilgen «Rısollá dár adabı tarıqat», «Nasabnama» shejiresi sekildi kóptegen eńbegi qoıyldy.
Kórmeniń úshinshi bóliminde Túrkistan óńirindegi kıeli oryndar men tarıhı eskertkishter jaıynda fotosýretter kópshilik nazaryna usynyldy.
Sonymen qatar «Astana» konsert zalynda tuńǵysh ret Qoja Ahmet Iаsaýıdiń hıkmetterine arnalǵan kompozıtorlar Serikjan men Álibı Ábdinurovtardyń «Áziret qonǵan Túrkistan» konserti ótti.
Aıtýly keshke Astana qalasy memlekettik fılarmonııasynyń akademııaly sımfonııalyq orkestri, kameralyq hory, jeke oryndaýshylar jáne Pavlodar qalasynan arnaıy kelgen vokaldyq kvıntet (ánshiler toby) qatysty.
Keshte Q.A.Iаsaýıdiń hıkmetterine jazylǵan kóptegen shyǵarmalar oryndaldy. Olardyń qatarynda dástúrli ánshilerdiń – «Rasýldyń rızalyǵy», «Salaýat», «Ash, eı momyn kózińdi» shyǵarmalary, qylqobyzben – «Dıýanı hıkmet», baıanmen – «Arystanbab», skrıpka aspaptarymen – «Kúı-tolǵaý», aqyn jáne sımfonııalyq orkestrmen – «Qoja Ahmet Iаsaýı» shyǵarmalary oryndaldy.
Almas MANAP,
«Egemen Qazaqstan»
