Tuńǵysh Prezıdent kúni merekesi Shyǵys Qazaqstanda ártúrli sharalarmen joǵary deńgeıde atap ótildi. Oblys ortalyǵyndaǵy merekelik sharalar legi 28 qarasha kúni aımaq basshysy Danıal Ahmetovtiń óńir mektepteriniń oqýshylaryna arnap Elbasynyń táýelsiz Qazaqstannyń qurylýy men damýyndaǵy róli týraly oqyǵan dárisinen bastaldy. Oblys ákimi О́skemendegi №46 orta mektepte qala mektepteriniń 10-11 synyptaǵy 350 oqýshysyna jáne onlaın rejimde aýdan-qalalardaǵy 1800 oqýshyǵa dáris oqyp, jas býynǵa Nazarbaev fenomeni týraly oıymen bólisti. «Esimde erekshe saqtalǵany – Qytaıǵa sapar. Shekarany delımıtasııalaý qujattaryna qol qoıý kerek boldy. Bizdiń delegasııany Qytaı basshysy Szıan Szemın qabyldady. Sol kezde qytaılyq kóshbasshynyń aıtqany áli esimde. Ol: «Qytaı eli tarıhta eshbir elmen shekarasyn shegendegen emes, bul – bizdiń ustanǵan ishki-syrtqy saıasatymyzǵa qaıshy áreket. Biraq men qalyptasqan dástúrdi buza otyryp, Sizdiń jeke basyńyzǵa degen zor qurmet pen iltıpattyń belgisi retinde eki el arasyndaǵy shekarany belgileıtin osy qujatqa qol qoıamyn. Qytaı tarabynyń Qazaqstanǵa qatysty eshqandaı jer talaby joq!» dep kelte qaıyrdy. Bul Qazaq eli úshin úlken jeńis bolatyn! Elbasynyń kemeńgerligi – barlyq jaýapkershilikti óz moınyna ala bilýinde», dedi D.Ahmetov.
Sondaı-aq osy kúni oblysta birqatar áleýmettik nysan el ıgiligine berildi jáne óńirdegi atymtaı azamattar marapattaldy.
Azamat QASYM,
«Egemen Qazaqstan»
Shyǵys Qazaqstan oblysy
