Kabınette búldirshinder túrli qurastyrý men robototehnıkanyń negizimen tanysatyn bolady. Ol balanyń óse kele ǵylymı-tehnıkalyq salada bazalyq bilimin tolyqtyrady jáne keıin ınnovasııalyq tehnologııalardy tez meńgerýine múmkindik jasaıdy.
«Sıfrlyq tehnologııa ekonomıkanyń damýynda, áleýmettik salanyń jaqsarýynda mańyzdy rol atqarady. Sondyqtan balanyń búldirshin kezinen aqylynyń ushqyrlyǵyn, kez kelgen zatty, oqıǵany taldaı bilýi mashyǵyn, boıyndaǵy tulǵalyq sapany qalyptastyrý mektepke deıingi bilimniń memlekettik jańarǵan standarttarynyń talaby bolyp tabylady» deıdi kabınettiń ashylýyna qatysqan «О́rleý» biliktiligin arttyrý ınstıtýtynyń mektepke deıingi tárbıe, bastaýysh bilim jáne tulǵany tárbıeleý kafedrasynyń bas oqytýshysy Gúlnar Dildábekova.
Kabınettiń ashylýy búldirshinder ǵana emes, ata-analar, aýdan jurtshylyǵy úshin de jaǵymdy jańalyqqa aınaldy.
Názıra JÁRIMBET,
«Egemen Qazaqstan»
Qostanaı
