Sharany uıymdastyrǵan - Qazaqstan Respýblıkasy Memlekettik qyzmet isteri jáne sybaılas jemqorlyqqqa qarsy is-qımyl Agenttiginiń Mańǵystaý oblysy boıynsha departamenti.
Aksııanyń maqsaty kez-kelgen quqyqtyq másele boıynsha halyqqa bilikti tegin zań kómegin kórsetý. Kez-kelgen quqyqtyq másele jóninde turǵyndarǵa tegin ári bilikti zańnamalyq kómek kórsetildi. Keńes alýǵa kelgenderdiń basym bóligin jer ýchaskelerin alý, baspanaly bolý, sapaly bilim, áleýmettik kómek, bıznesti qoldaý jáne medısına salasyna qatysty saýaldar tolǵandyrǵan.
QR Memlekettik qyzmet isteri jáne sybaılas jemqorlyqqqa qarsy is-qımyl Agenttiginiń Mańǵystaý oblysy boıynsha departamenti sybaılas jemqorlyq profılaktıkasy basqarmasynyń basshysy Narıman Aıtjanov, mańǵystaýlyqtar bul sharaǵa asa qyzyǵýshylyq tanytqanyn aıtady. Turǵyndar bilikti zańgerler men quzyrly mekeme ókilderimen tikeleı tildesip, ózderin tolǵandyrǵan suraqtarǵa tushymdy jaýaptaryn aldy.
-Quqyqtyq múddeli memlekettik organdardyń ókilderi de belsendi ekendigin aıta ketý kerek. Bul jerdegi basty maqsat - tegin quqyqtyq qyzmet kórsetý. Onyń ózi úlken másele bolyp tabylady. Sebebi kópshilikke málim keıbir aqyly túrdegi zańdy qyzmet ala almaıtyn azamattarymyz bar. Jáne de tıisinshe osy quqyqtyq kómek kórsetip otyrǵan memlekettik organdardyń ókilderi ári qaraı osy azamattardyń máselelerin túpkilikti, zań júzinde sheshýge talaptanatyn bolady, deıdi N. Aıtjanov.
Atalmysh jalpyrespýblıkalyq shara «Halyqqa bir mezgilde tegin quqyqtyq keńes kórsetý» atalymy boıynsha Gınnestiń rekordtar kitabyna ótinim bergen. Qazirgi tańda arnaıy komıssııa barlyǵynyń da erejege sáıkes ótkenin tekserýde.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
