Keıd METS,
«Nıý-Iork Taıms» – San-Fransısko
Google-diń bas kompanııasy Alphabet menshigi sanalatyn Google Brain men DeepMind zertteýshileri oılap tapqan avtomatty qurylǵy erin qımylyn oqıtyn kásibı mamandardy basyp ozýy múmkin. Mundaı paıym zertteý barysynda anyqtaldy. Vıdeodaǵy adamnyń erin qımylyn oqytqanda qurylǵy túgel mátinniń 40 paıyzyn qate oqysa, mamandar 86 paıyzǵa múlt ketken.
Zertteýshilerdiń sózine qaraǵanda, jańa qurylǵy sóıleý aqaýlary bar adamdarǵa kómekshi bolmaq. Ǵalymdar teorııa júzinde bul qurylǵy adamdarǵa tek erinderin qozǵaltý arqyly sóılesýge múmkindik beretinin aıtyp otyr.
Alaıda baqylaý sekildi onyń basqa múmkindikteri zertteýshilerdiń nazarynan tys qalǵan. Erin qımylyn oqý júıesi «ekijaqty tehnologııany» qoldanyp, jasandy ıntellekt zerthanasyndaǵy basqa da jańa tehnologııalardyń qabiletin kórsetedi. Vıdeony avtomatty túrde túzeıtin júıeler kontent jasaýdy damytady nemese jalǵan jańalyqty kóbeıtedi. Ushatyn drondar fýtboldy túsiredi ne alańda qırap qalady.
«Kompıýter akademııasynyń bolashaǵy» dep atalatyn 46 zertteýshiden quralǵan top máselege qaıta úńilýdiń qajettigin alǵa tartady. Jańa jumysty jarııalamas buryn ǵalymdar onyń qoǵamǵa oń áserimen birge kemshiligi de eskerilýi tıis dep esepteıdi.
«Kompıýter ındýstrııasy temeki nemese munaı ındýstrııasy sekildi baǵyt alýy múmkin. Iаǵnı, basshylyqtyń tapsyrmasyn oryndaý úshin ónimniń mańyzy men máni eskerilmeı, basqa ónim jasaýǵa talpyndy. Biz tereńinen oılanatyn urpaqqa aınalýymyz kerek», deıdi zertteýshiler tobynyń basshysy Brent Hech. Ol – Illınoıstaǵy Soltústik-Batys ýnıversıtetiniń professory.
Jańa ǵylymı jumys jarııalanǵanda zertteýshiler onyń keri áserin sırek talqylaıdy. Birinshiden, zertteýshiler eńbegin jaqsy jaǵynan kórsetýge tyrysady. Ekinshiden, jobalar tehnologııa jasaýda qoldanylyp, keıinnen paıdaǵa asýyna mán bermeıdi. Qoǵamdyq kompanııalar jumystarynyń kemshilikterin sırek aıtady. B.Hech pen onyń áriptesteri kemshilikterdi eskermegen ǵylymı jumystardy jarııalamaýǵa úndep otyr.
Google-diń erin qımylyn oqıtyn qurylǵysy barlaýǵa kómektese ala ma? Bálkim qazir erte shyǵar. Zertteýshiler bet-álpetti jaqynnan túsirgen vıdeolardy qoldandy. «Kóshe kameralary túsirgen vıdeodaǵy erin qımyldary oqýǵa jaramsyz», deıdi Oksford ýnıversıtetiniń zertteýshisi Djýn Son Chang.
Alaıda kameralar jaqsaryp keledi jáne zertteýshiler bul júıege jaýapty jasandy ıntellekt tehnıkalaryn únemi jetildirip otyrady. Qytaılyq zertteýshiler erin qımylyn oqıtyn jańa jobany qolǵa aldy. «Jabaıy tabıǵatta» dep atalatyn júıe vıdeonyń jaryq ári sapaly bolýyn qajet etedi.
Londondaǵy Imperıal kolledjiniń ǵylymı qyzmetkeri Starvos Petrıdıs osy tárizdi tehnologııalardyń barlaý jumysyna qoldanylýy múmkin ekenin aıtady.
© 2018 The New York Times News Service
Maqalany aýdarǵan Svetlana ǴALYMJANQYZY,
«Egemen Qazaqstan»
