«Baıqaýdyń maqsaty – áskerı qyzmettiń mártebesin kóterý, ofıserlerdi yntalandyrý jáne olardyń kásibı sheberlikterin ári qaraı jetildirý, ozyq tájirıbelerdi taratý, batalon, rota býynyndaǵy ofıserlerden kadrlyq rezerv qurý. Baıqaýǵa kelgen barlyq ofıserler tekserilgen pánder boıynsha joǵary daıyndyqtaryn kórsetti. Jeńimpazdar aldaǵy ýaqytta qyzmet baspaldaǵymen joǵary laýazymdarǵa taǵaıyndalýǵa úmitkerler qataryna qosyldy», – deıdi Ulttyq ulannyń «Ońtústik» óńirlik qolbasshylyǵynyń baspasóz hatshysy Danara Baımaǵambetova.
Baıqaýǵa qatysqan ofıserlerdiń qyzmettik-jaýyngerlik jumysty uıymdastyrý, bólinisterdi basqarý talaptary, jalpy áskerı jarǵylar, bólinis sharýashylyǵyn uıymdastyrý boıynsha bilimderi tekserilip jáne olardyń tabeldik qarýdan atý mashyǵy, kúsh pen eptilikti jáne tózimdilikti anyqtaıtyn dene daıarlyǵy synaqqa tústi.
Baıqaý-saıystyń qorytyndysy boıynsha tómendegi ofıserler óz laýazymdarynyń úzdikteri atandy:
«Úzdik batalon komandıri» nomınasııasy boıynsha: 5571 áskerı bóliminen maıor Artýr Eglıt (Almaty qalasy);
«Úzdik batalon shtab bastyǵy» nomınasııasy boıynsha: 28237 áskerı bóliminen kapıtan Tımýr Kalıekperov (Almaty oblysy, Uzynaǵash kenti);
«Úzdik batalon komandıriniń tárbıe jáne áleýmettik-quqyqtyq jumystar jónindegi orynbasary» nomınasııasy boıynsha: 5513 áskerı bóliminen kapıtan Musa Sádýaqasov (Taraz qalasy);
«Úzdik rota komandıri» nomınasııasy boıynsha: 5513 áskerı bóliminen kapıtan Jomart Jumadildaev (Taraz qalasy);
«Úzdik rota komandıriniń tárbıe jáne áleýmettik-quqyqtyq jumystar jónindegi orynbasary» nomınasııasy boıynsha: 28237 áskerı bóliminen aǵa leıtenant Eljan Sekenov (Almaty oblysy, Uzynaǵash kenti);
«Úzdik vzvod komandıri» nomınasııasy boıynsha: 5513 áskerı bóliminen aǵa leıtenant Nurdáýlet Nurmanov (Almaty qalasy).
О́ńirlik qolbasshylyqtyń «Qazaqstan Respýblıkasynyń Tuńǵysh Prezıdenti kúni» merekesine oraılastyryp ótkizgen saltanatty jıynynda baıqaý jeńimpazdary marapattaldy.
Arman OKTIаBR,
«Egemen Qazaqstan»
