Shahardyń ortalyǵyndaǵy Ordabasy alańyna qoıylǵan «Jer ana» monýmentiniń qasbeti qymbat tastarmen qaptalyp jatyr. Tuǵyrda turǵan bıiktigi 25 metr eńseli eskertkish boı kótergeli beri jóndeý kórmegen. Eskire bastaǵan eskertkishti qala sáýletine jaýapty mekeme Táýelsizdik merekesi qarsańynda jóndeýden ótkizip, jańa kelbetke keltirmek.
Esterińizge salar bolsaq, «Jer ana» monýmenti 2011 jyly kásipkerlerdiń demeýshiligimen salynǵan. Sol kezde jabystyrylǵan granıt tastardyń jelimi ajyrap, sońǵy ýaqytta aınalasyna qaýip tóndirýde. Qala basshylyǵy osy jaǵdaıdy eskere otyryp, eskertkishtiń tastaryn jańartýǵa tapsyrma bergen. Ári, jóndeý júrgizetin merdigerdi anyqtaǵan.
«Eskertkishtiń jalpy aýmaǵy 100 metrdi quraıdy. Qalalyq energetıka jáne kommýnaldyq sharýashylyq basqarmasynyń tapsyrysy boıynsha qazirgi tańda óz materıaly ózine jumsalyp, sońǵy tehnologııa boıynsha jańartylyp jatyr», deıdi merdiger mekeme ókili Saǵat Moldabekov.
Qurylysshylardyń aıtýynsha, sáýlettik eskertkishtiń aınalasyndaǵy eski jıek tastary da almastyrylyp, jóndeý jumystary 16 jeltoqsanǵa deıin aıaqtalatyn bolady.
Nurshat TО́KEN,
«Egemen Qazaqstan»
