Kúni boıy aqhalattylar «Mega Planet» oıyn-saýyq ortalyǵyna kelýshilerdi tekserýden ótkizdi. «О́z statýsyńdy bil!» atty aksııasy aıasynda terapevt, dermatovenerolog, ýrolog, gınekolog, JITS-tiń aldyn alý jáne oǵan karsy kúres ortalyǵynyń mamandary qala turǵyndaryna tegin keńes berdi.
Ári ekspress-test arqyly arnaıy ortalyqqa kelgen qalalyqtardy VICh ınfeksııasyna qarsy tekserýden ótkizdi. Bul ádis arqyly dárigerler on bes mınýttyń ishinde maman kómegine júginýshilerdiń statýsyn anyqtap berdi.
Saýda ortalyǵynda júrgizilgen medısınalyq tekserý jumystary kezinde 100-den asa turǵyn aqhalattylardyń qabyldaýynda boldy. Al, 50-ge jýyq azamat ekspress-test arqyly VICh statýsyn anyqtady.
Aıta keterligi, Shymqalada mundaı ınfeksııany anyqtaıtyn tekserý jumystary 15 jeltoqsanǵa deıin ózge de qoǵamdyq oryndarda ótkiziletin bolady.
Nurshat TО́KEN,
«Egemen Qazaqstan»
