Reuters. OPEK logotıpi
OPEK-tiń aldaǵy otyrysy beısenbi kúni Venada ótedi, al juma kúni Reseı sııaqty kartel odaqtastarynyń kelissózderi ótedi. OPEK-tiń negizgi kóshbasshysy Saýd Arabııasy 2019 jyldyń qańtarynan bastap, munaıdyń kóp mólsheriniń jaramsyz qalmaýyn eskere otyryp, óndiristiń kólemin kúrt qysqartý qajettiligin kórsetken. Alaıda Reseı kúrt tómendetýge qarsy.
«Barlyǵymyz Reseıdi qosa alǵanda, qysqartý qajettiliginiń bar ekenine kelisemiz», - dedi Saýd Arabııasyn, Reseıdi jáne basqa da birneshe munaı óndirýshilerdi biriktiretin mınıstrlik monıtorıng komıtetiniń otyrysynan keıin Oman munaı ónerkásibi mınıstri Muhammed bın Hamad Ál-Rýmı jýrnalısterge. «Qysqartýdyń naqty kólemi áli de talqylanýda», dedi ál-Rýmı. 2018 jylǵy qyrkúıek nemese qazan aıyndaǵy kórsetkish 2019 jylǵy qańtar-maýsym aralyǵynda óndirýdi qysqartý úshin bazalyq deńgeı bolýy múmkin.
Eki OPEK delegaty Reseıdiń energetıka mınıstri Aleksandr Novak RF prezıdenti Vladımır Pýtınniń kelisýimen tanysý úshin sársenbi kúni Máskeýge ushyp ketkenin aıtty.
Saýd Arabııasy OPEK-tiń munaı óndirýdiń kólemin qysqartýdy jáne kartel odaqtastarynyń kem degende táýligine 1,3 mıllıon barrelge nemese óndirý deńgeıinen 1,3 paıyzǵa qysqartýdy qalaıtynyn túsindi.
Er-Rııad Máskeýdiń munaı óndirýdi kem degende táýligine 250.000-350.000 barrelge qysqartqanyn qalaıdy, biraq Reseı qysqartý kólemi osy deńgeıden jartysyn quraýy tıis dep otyr.
OPEK pen karteldiń odaqtastary 2019 jyly óndirýdi qysqartý ıdeıasyn 2016 jyly kelisilgen kvotalarǵa qaıtarý esebinen talqylaıtynyn habarlady, dep jazady TASS agenttigi derekkózderge silteme jasaı otyryp.
Mundaı sheshim táýligine 1 mıllıon barrelden artyq óndirýdi qysqartýdy bildiredi. Saýd Arabııasy, Reseı jáne BAÁ 2018 jyldyń maýsymynan bastap Donald Tramp Irannan AQSh-tyń sanksııalarynan keıin túsetin eksporttyń ornyn toltyrý úshin munaı óndirýdi arttyrýǵa shaqyrdy.
Daıyndaǵan Mádına JÁLELQYZY,
«Egemen Qazaqstan»
