Sottalǵandardyń arasynda uıymdastyrylǵan baıqaýǵa 60 sottalýshy qatysty. Kórmege 45 sýret qoıylyp, úzdik týyndynyń avtorlary ataldy.
Kórmege halyqaralyq deńgeıdegi treıner-medıator Tatıana Dronzına jáne elimizdiń Din isteri komıteti Mádenıetter men dinderdiń halyqaralyq ortalyǵynyń basshysy Esenova Dıana sııaqty mamandar arnaıy qatysty.
- Bul kórme-ekstremısterdi ońaltý jumysynyń uzaq biri ǵana nátıjesi. Bul bastama ekstremızm jáne terrorızmmen kúres salasynda halyqaralyq qaýymdastyqtyń nazaryna iligetindeı joba,- deıdi Tatıana Dronzına.
- Kórmedegi týyndylardan sýret kórip qana qoımaı, aýyr qylmyspen sottalǵandardyń dúnıege kózqarasyn, ustanymyn baıqaýǵa bolady. Olar kózqarasty túbegeıli ózgertýde. Bul joba mamandardyń radıkaldy aǵymǵa túskenderdi qaıta dástúrli dinge qaıtaryp, durys baǵytqa túsý úshin jasalǵan jumysy, - dedi D. Esenova.
Oblystyq Qylmystyq atqarý júıesi Departamenti basshysynyń orynbasary Dáýlet Ysqaqovtyń aıtýynsha, kórmeniń jazasyn óteýshilerdiń dúnıetanymyna oń áserin tıgizeri sózsiz. Jazasyn óteýshiler sýretteri arqyly adamı qundylyqtarǵa degen ishki jan dúnıesin kórsetedi.
Jalpy, destrýktıvti baǵytty ustanýshylar án aıtý, sýret salý syndy mádenı sharalar men salt-dástúr, meıram, qoǵamdyq qundylyqtarǵa túbegeıli qarsy bolyp keledi.
Al, baıqaý kezinde jazasyn óteýshiler qoldaryna qalam alyp memlekettik rámizderdi, merekelerdi, dástúrdi sıpattap sýret saldy.
Sarapshylar atalmysh sharany ekstremıstik pıǵyldan qaıtarýdaǵy jetistik retinde baǵalady.
О́ńirdegi «Konfessııaaralyq qarym-qatynastardy taldaý jáne damytý» ortalyǵynyń dırektory Gúlnaz Razdyqovanyń aıtýynsha, sýret kórmesiniń uıymdastyrylýyna oblystyq prokýratýra ókilderi uıytqy bolypty.
Kórme ekstremızm men terrorızm baptary boıynsha sottalǵandar úshin syrtqy ómirmen aralasyp, jasaǵan qylmystary úshin adamdardan keshirim suraýǵa múmkinshilik beredi.
Oblys boıynsha Qylmystyq atqarý júıesi mekemeleriniń Teologııalyq jáne qaıta ońaltý jumystaryn uıymdastyrý tobynyń Bas ınspektory Rýslan Sadýtyń aıtýynsha, oblys ortalyǵyndaǵy qaıta túzeý kolonııasyna aptasyna bir ret teologtar, dintanýshylar, psıhologtar, tarıhshy mamandar kelip ońaltý jumystaryn júrgizedi. Basqa da arnaıy is-sharalar ótkizilip turady.
Nátıjesinde, Ekstremızm baby boıynsha sottalǵandardyń basym kópshiligin óz raıynan qaıtýda. Ustanymdarynyń durys emestigin túsindi. Jazasyn óteýshilerdiń dúnıetanymy ózgerýde.
Sebebi, olar negizgi dinı málimetti ǵalamtordan, aýdıodan, býkletterden, kúmándi aqparat kózderin alǵan.
Al, ońaltý salasynda dinı mamandar, teologtar men psıhologtar osy salada aýqymdy jumystar atqarýda. О́mirge degen kózqarastaryn ońaltý, túzeý arqyly sottalǵandardy toleranttylyqqa baýlý jáne ekstremıstik, destrýktıvti sanadan alshaqtatý, dástúrli dinniń prınsıpteri men qundylyqtaryn nasıhattaý.
Sýret kórmesin ótkizý arqyly terrorızmge qarsy turýǵa arnalǵan bul shara elimizdiń basqa óńirlerge taralýda.
Farıda BYQAI,
«Egemen Qazaqstan»
Pavlodar
Sýretti túsirgen: Aıgúl Esenálıeva
