Sharaǵa bilim jáne ǵylym, eńbek jáne áleýmettik qorǵaý, ishki ister, qoǵamdyq damý jáne densaýlyq saqtaý mınıstrlikteriniń, sondaı-aq jergilikti atqarýshy organdar men úkimettik emes uıymdardyń ókilderi qatysty.
Bala quqyqtary jónindegi ýákil azamattardan kelip túsken jıyrmadan astam ótinishti qarady. Atap aıtqanda, laıyqty bilim alý, ata-ananyń qaraýynsyz qalǵan balalardy qamqorlyqqa alý jáne olarǵa qorǵanyshy bolý, densaýlyqty qorǵaý, balalar úıiniń túlekterin turǵyn úımen qamtamasyz etý, ata-analary ajyrasqan kezde balalardyń turatyn ornyn anyqtaý jáne ata-analarymen aralasý tártibi jáne taǵy basqa máseleler kóterildi.
Barlyq ótinishter boıynsha oń sheshim qabyldandy. Sonymen qatar, Qyzylorda jáne Mańǵystaý oblystarynyń ákimdikterine qajetti zań, ońaltý jáne gýmanıtarlyq kómek kórsetý máseleleri boıynsha úsh birdeı aryzdanýshyǵa kómek kórsetý usynyldy.
Beınebaılanys barysynda S.Aıtpaeva turǵyndar arasynda tıisti aqparattyq-túsindirme jumysyn ótkizý, balalardyń quqyqtaryn qorǵaý men otbasylyq máselelerdiń ashyqtyǵy men aıqyndyǵyn qamtamasyz etý jáne medısınalyq kómek kórsetý qajettiligine jergilikti atqarýshy organdardyń nazaryn aýdardy.
