Dúnıejúzilik lotereıa qaýymdastyǵynyń derekteri boıynsha, onyń quramyna álemniń 83 memleketinen 149 lotereıa operatory kiredi. 2018 jyly kásipodaq qataryna 5 jańa múshe qabyldandy, sonyń ishinde Qazaqstan Respýblıkasynyń ulttyq lotereıa operatory «Sátti Juldyz» da bar. Sonymen qatar 2 lotereıa operatory qaýymdastyq quramynan shyǵyp ketti.
Dúnıejúzilik lotereıa qaýymdastyǵynyń quramyna ený úshin negizgi talaptar tómendegideı:
– Jaýapty oıyn erejelerine adaldyq;
– Kiristiń belgili bir bóligi áleýmettik jaýapkershilikke baǵyttalý kerek;
– Lotereıa oıyndaryn uıymdastyrýdyń joǵary deńgeıi, ashyqtyq pen oınatylym kezdeısoqtyǵynyń kepili.
«Dúnıejúzilik lotereıa sammıti – búkil álemniń lotereıa salasy úshin aýqymdy oqıǵa. Sammıt 2 jylda 1 ret ótkiziledi, bul – salada kóptegen ózgerister oryn alatyn uzaq ýaqyt kezeńi. Sol sebepten Sammıt jańa tehnologııalardy, tásilderdi jáne ózgeristerdi talqylaýdyń tamasha platformasy bolyp tabylady», dep atap ótti «Sátti Juldyz» AQ-nyń prezıdenti Aleksandr Ten.
Eske sala ketetin bolsaq, budan erterek Ulttyq operatordyń oınatylymdaryn ótkizý adaldyǵyn Eýropalyq qaýymdastyq ta rastaǵan.
