Zýra Jumahmetova: О́tkenimizdi maqtan tutyp, búginimizdi naqtylaı bileıik

Qazaqstan Respýblıka­sy­nyń Tuńǵysh Prezıdenti N.Á.Nazarbaevtyń osydan bir jarym jyl buryn jarııalanǵan «Bolashaqqa baǵdar: rýhanı jań­ǵyrý» maqalasy qazaq qoǵamy­nyń rýhanııaty men mádenıetiniń kókjıegin ashqan maqala bolsa, keıin jarııalan­ǵan «Uly dalanyń jeti qyry» maqalasy ulttyq mu­ra­­larymyzdy tereń tanýǵa serpin beretin úlken tarıhı mánge ıe.

Atalǵan tarıhı qujat ýaqyt talabyna saı elimizdiń saıası, mádenı, rýhanı ómirinde damýdyń naqty baǵyt-baǵdaryn aıqyndap beretin qundy pikirimen erek­shelenedi. Maqalada kóterilgen ulty­myzdyń tarıhy men máde­nıetine qatysty tyń oılar men naqty usynystar jańa izdenister men bastamalarǵa jol ashatyny anyq.

Elbasynyń maqalasynda jazylǵan ultymyzdyń rýhanı murasy men mádenıetin jańa zaman talabyna saı órkendetý jolynda T.Júrgenov atyndaǵy Qazaq ulttyq óner akademııasy janyndaǵy mektep-ınternat kolledjiniń mereıtoıyna arnalǵan «О́nermen órnektelgen 30 jyl» atty aýqymdy is-shara bolyp ótti. Respýblıkamyzdyń túk­pir-túkpirinen kelgen da­ryn­­dy balalarǵa arnal­ǵan res­pýb­lıkalyq arnaıy kórkemsýret mektep-ınternatynyń, Qazaq­standaǵy kórkemónerden al­ǵash úzdiksiz úsh satyly bilim berý júıesiniń negizin qalaýshy, aǵartýshy-ǵalym, bilim, ǵylym jáne mádenıet salasynyń uıym­­dastyrýshysy, óz isine jaýap­­kershilikpen qaraýdyń óne­gesin kórsete bilgen isker basshy, abzal azamat, professor Ulyqbek Ibragımovtiń eńbegin keıingi urpaqqa tanystyrý maq­satynda ótken bul is-shara óz ereksheligimen jas urpaqtyń jadynda qalmaq. 

«Búgingi kúndi túsinip, túı­siný úshin de, bolashaq­tyń dıdaryn kózge elestetý úshin de keshegi kezeń­ge kóz jiberýimiz kerek», dep Elbasynyń atap ótkenin­deı, mektep-ınternat kolledji ujymynyń uıym­das­ty­rýymen ótken merekelik sharada Qazaqstan Respýb­lı­ka­synyń Memlekettik ortalyq murajaıynda «Estelikter aınasy» atty kórkem týyndylar kórmesi, mektep-ınternat kol­ledjiniń ǵımaratynda kór­meler, sheberlik sabaqtary, dóń­gelek ústel uıymdastyrylyp, kópshilik nazaryna usynyldy. 

Jetistikterge jetý, tabys­ty eńbek etý úshin 30 jyl az ýaqyt emes. Uıymdastyrylǵan árbir is-sharanyń maq­saty túrli kózqarastar men talqylanatyn taqyryp bo­ıynsha keń, aýqymdy pikirlerdi anyqtaý, olardy jas urpaqqa jetkizý ekendigi aıan. Sondaı-aq bilim alýshy urpaqqa ulttyq muralarymyzdy tereń tanýmen qatar, órke­nıettiń ózindik órnegin qalyptastyryp, óner men ǵylymnyń jetistikterin jan-jaqty oı eleginen ótkizýi­ne, tereńnen zerdeleı alýyna áseri mol. Elimizdiń odan ári damyp, órkendeýi men rýhanı jań­ǵyrýyna óner salasy bo­ıynsha aldyńǵy qatarly ulttyq bilim berý júıesin da­mytý, álem­dik deńgeıdegi básekege qabi­letti mamandar shy­ǵarý isin odan ári kúsheıte berý men jandandyrý isi erekshe bolmaq.
Tarıhı sanany jańǵyrtý baǵyty boıynsha otan­shyl­dyq tárbıe berý, óz tarıhyna degen maqtanysh sezi­min oıatý maqsatyna arnalǵan «Dala folklory men mýzy­­ka­synyń myń jyly» jobasy aıasynda ultymyzdyń mura­syn dáripteý erekshe nazarda. Osyǵan oraı bilim orda­synda Bostandyq aýdany kolledjderi arasynda uıym­das­tyrylǵan «Jas órken» jastar festıvali rýhanı qun­dylyqtar men ony keıingi ur­paqqa jetkizý mańyz­dy­lyǵy jóninde oı órbitýge shaqyrady. Ulttyq máde­nıetimizdi damytý­ǵa arnalǵan merekelik festı­val kún­derinde ulttyq aspap­tar dáriptelip, kórkemsóz oqý máneri men dástúrli án baıqaýy jas jetkinshekterge erekshe shabyt syılady.

Elbasynyń «Uly dalanyń jeti qyry» maqalasymen tanysa otyryp, Uly dalanyń ejelgi óneri men tehnologııalar mýzeıi ashylatyny ár azamat boıyna maqtanysh sezimin uıalatady. Ol sanaly jetkinshektiń halqymyz jaıly tyń málimetter alýyna jol ashady. Bolashaq urpaqty ultjandylyqqa tárbıeleýde máni zor asyl qazyna, sarqylmas mura kóne jádigerlerdi dárip­teý arqyly tarıhymyzdy ulyq­taıtynymyz barshaǵa aıan.

Elimizdiń tabysty bolýy úshin tól tarıhyn biletin, baǵalaıtyn, maqtan etetin halyqtyń bola­shaq urpaq­taryn tárbıeleý – bas­ty maqsatymyz bolýy zańdy­lyq. Al «О́tkenin maqtan tutyp, búginin naqty baǵalaı bilý men bolashaqqa oń kózqaras tanytý – elimizdiń tabysty bolýynyń kepili». 

Zýra JUMAHMETOVA,

T.Júrgenov atyndaǵy Qazaq ulttyq óner akademııasy janyndaǵy mektep-ınternat kolledjiniń dırektory

ALMATY