1986 jyly Brazılııanyń Rıo-de-Janeıro qalasynda týyp-ósken Igıta 2006-2009 jyldar aralyǵynda óz eliniń «Kabý-Frıý» jáne «Vasko de Gama» klýbtarynda oınady. Sodan keıin Qazaqstanǵa qonys aýdaryp, Qaraǵandynyń «Tulparynyń» namysyn qorǵady. Bir jyldaı Portýgalııada óner kórsetken ol 2011 jyly «Qaırattyń» jeıdesin kıdi. Mine, sol kezden beri ol almatylyq klýbtyń sapynda óner kórsetýde. 2013 jyly Qazaqstannyń azamattyǵyn alyp, ulttyq qurama komandamyzdyń beldi múshesine aınaldy.
Klýbtyń deńgeıdegi jarystar men Qazaqstan quramasy sapynda Igıta kóptegen tabystarǵa qol jetkizdi. О́ziniń óreli óneriniń arqasynda san mıllıon jankúıerdiń kózaıymyna aınaldy. 2015 jáne 2016 jyldary ol qatarynan eki ret álemniń eń úzdik qaqpashysy atandy.
Bıyl Igıtadan bólek, UMBRO Futsal Awards júldesinen úmitkerler qatarynda mynadaı ataqty fýtzal sheberleri bar: Mıodrag Aksentevıch (Serbııa, «Túmen»), Gýıtta (Brazılııa, «Sportıng»), Fernando Lopes Pereıra «Kareka» (Brazılııa, «Atlantıko Erekım»), Hesýs Errero (Ispanııa, «Inter»), Mıhal Kalýza (Polsha, «Rekord»), Stefano Mammarella (Italııa, «Akva Sapone»), Álıreza Samımı (Iran, «Mes Sýngýn»), Georgıı Zamtaradze (Reseı, KPRF) jáne Ho Van Iа (Vetnam, «Taı Son Nam»).
Ǵalym SÚLEIMEN,
«Egemen Qazaqstan»
