Baǵdarlamalyq maqalanyń tolyq mátini Ulanbatyrda shyǵatyn Mońǵolııa zııaly qaýymynyń úni "Neeltteı haalga / Ashyq esik" ("Open door" 7-14. 2018. N48) atty gazetiniń 7 jeltoqsan kúngi sanynda jaryq kórdi. Maqala Elbasynyń jáne qazaq tarıhynyń etnografııasynan habar beretin baǵaly keskindermen ásem bezendirilip, gazettiń úsh betinen oryn alǵan. Maqalaǵa redaksııa tarapynan jazǵan ańdatpada «Qazaqstan Respýblıkasynyń Prezıdenti N.Nazarbaevtyń «Uly dalanyń jeti qyry» atty bul kólemdi maqalasy onyń ótken jyly jazǵan «Bolashaqqa baǵdar: rýhanı jańǵyrý» atty baǵdarlamalyq maqalasynyń jalǵasy ispetti. Ejelgi zamannan kórshiles ómir súrip, tarıhy, turmys-tirshiligi, salt-dástúri ortaq jeliles bolǵan qazaq eliniń prezıdentiniń bul tereń maǵynaly maqalasyn qalyń oqyrman qaýymnyń nazaryna usynamyz» degen.
Kóshpendilerdiń mýzeılik qundylyqtary men murasyn ortaq zertteýge bul ıdeıanyń serpin men senim beretinin Mońǵolııanyń Ulttyq mýzeıiniń dırektory, tarıh ǵylymdarynyń doktory D.Súhbaatar myrza «Kóshpendiler órkenıetiniń kókjıegin keńeıtken» degen bolatyn «Egemen Qazaqstan» gazetinde jarııalanǵan pikirinde.
Jalpy, Prezıdent N.Nazarbaevtyń «Uly dalanyń jeti qyry» atty maqalasy Mońǵolııanyń «mongolcom.mn» ulttyq portalynda, «Mongol Zaman» gazeti (5.12.2018) sekildi baspasóz quraldarynda jarııalanyp, oqyrmandardyń tereń qyzyǵýshylyǵy men oıtalqysyna ıe boldy.
Daıyndaǵan Aqedil TOIShANULY,
Mońǵolııanyń Qazaqstandaǵy Mádenıet elshisi
