Bul sharany densaýlyq saqtaý jáne salaýatty ómir saltyn qalyptastyrý maqsatynda Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti uıymdastyryp otyr.
Agenttiktiń aýmaqtyq departamenttiń basqarma basshysy Qalampyr Ýázirovanyń aıtýynsha, kásibı memlekettik apparatty qurý jáne halyqqa qyzmet kórsetýde memlekettik qyzmetshilerdiń ál-aýqaty men densaýlyǵyna basa nazar aýdarylady.
- Qazaqstan respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Memlekettik qyzmettiń jaǵdaıy týraly ulttyq baıandamasyna sáıkes aımaqtarda memlekettik qyzmetshilerge arnalǵan densaýlyq saqtaý qyzmetterin jaqsartý kózdelgen. Memlekettik qyzmetshilerge profılaktıkalyq sharanyń mańyzdylyǵy túsindirildi jáne olar medısınalyq tekserýden ótýde belsendi. Aıta ketý kerek, bul bastama «Rýhanı jańǵyrý» baǵdarlamasynyń «О́zgeristerdi ózińnen basta» baǵytyndaǵy jobany iske asyrý maqsatynda jáne agenttik tóraǵasymen bekitilgen Keshendi josparǵa sáıkes júrgizilýde, deıdi ol.
Búginde «Neıron» medısınalyq ortalyǵy memlekettik qyzmetshilerge medısınalyq qyzmet kórsetetin biryńǵaı ortalyqqa aınaldy deýge bolady. Sebebi olardyń keńes alyp, emdeý sharalaryn paıdalanyp, jyl saıynǵy profılaktıkalyq medısınalyq tekserýden ótýine kedergi joq.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
