1 jeltoqsanda korporasııanyń bas dırektory orynbasary jáne qarjy dırektory Men Vanchjoýdy AQSh bıliginiń suraýy boıynsha Vankýverde tutqyndady. Qamaýǵa alynýynyń sebepteri naqty belgisiz. Degenmen Amerıkanyń Iran eline salǵan saýda sanksııasyn oryndamaǵany sebep bolýy múmkin.
Kanadadaǵy Qytaı elshiligi tutqyndaýǵa narazylyq bildirip, Men Vanchjoýdy qamaýdan bosatýdy talap etti. Bul týraly Qytaıdyń Syrtqy ister mınıstrligi málimdeme jasady. Huawei korporasııasy qarjy dırektorynyń qandaı zańsyz áreketke barǵanynan habarsyz ekenin jáne aıyptaýǵa negiz bolatyndaı aqparattardyń joq ekenin habarlaǵan.
Sondaı-aq, qamaýǵa alý batys elderinde Huawei tehnıkasyn paıdalanýdy shekteıtin árekettermen sáıkes keldi. AQSh, Avstralııa jáne Jańa Jańa Zelandııa 5G formatyndaǵy jyldam mobıldi jelilerge ótý úshin osy markaǵa qatysty tehnıkany paıdalanbaýǵa ýaǵdalasty.
New York Times jýrnalısteriniń aqparaty boıynsha, Huawei korporasııasy Iranǵa qatysty AQSh sanksııalaryn buzǵan. Al Amerıkalyq zań shyǵarýshy organdardyń aıtýynsha, kompanııanyń tehnologııalyq ónimderi AQSh-tyń ulttyq qaýipsizdigine qaýip tóndirip, Qytaı bıliginiń AQSh-taǵy tyńshysyna aınalyp úlgergen.
Huawei kompanııasynyń málimdemesinde kompanııa BUU, Eýroodaq jáne AQSh-qa múshe elderde áreket etetin eksportty baqylaý men sanksııalar týraly zańdar men erejelerge sáıkes jumys isteıdi dep aıtylǵan.
Qytaı SIM adam quqyqtarynyń buzylýy týraly málimdeı otyryp, Men Vanchjoýdy dereý bosatýdy talap etedi.
Atalǵan kompanııa álemde telekommýnıkasııa jabdyqtary men tehnıkany shyǵarýdan Apple-di basyp ozyp, Samsung-tan keıingi ekinshi orynǵa jaıǵasqan.Batys elderi Qytaı besinshi býynǵa 5G arqyly jol taýyp, basqa da tehnologııalar arqyly tyńshylyq áreketin kúsheıtedi dep qaýiptenip otyr. Brıtanııanyń eń iri British Telecom kompanııasy eldegi 5G jelisiniń órisin keńeıtý maqsatynda qoldanǵan Huawei tehnıkasyn tárkiledi. Osyǵan uqsas shekteýler Jańa Zelandııa, Avstralııa jáne AQSh-ta engizildi.
Men Vanchjoý ustalǵannan keıin Qytaı bırjalarynda negizgi ındekster quldyraǵan. Shanghai Composite ındeksi 1,28%-ǵa, Hong Kong ' s Hang Seng ındeksi - 2,5%-ǵa, Nikkei 225 shamamen 2%-ǵa tómendedi.
