Osyndaı dúbirli dodany Almaty oblysynyń ortalyǵynda ótkizýimiz beker emes. Sebebi, qazirgi kezde Jetisý óńirinde MMA qarqyndy damyp keledi. Byltyrǵy jyly olar Qazaqstan kýbogynyń jalpy komandalyq esebinde bas júldeni oljalaǵan bolatyn. Bul joly da kóptegen keremet jáne ymyrasyz jekpe jekterdiń kýási bolatynmyz daýsyz. El kýbogymen qatar, Taldyqorǵanda «BATTLE OF NOMADS» halyqaralyq týrnıri ótedi. Al ol jarysta tek kásipqoı sportshylar ǵana kúsh synasady, – deıdi Qazaqstanda osy ónerdiń damýyna eleýli úles qosyp júrgen azamattardyń biri Asylbek Dúısenov.
Taldyqorǵanda jalaýy jelbireıtin jarysta qazaqtyń eń tanymal jekpe-jek sheberleriniń biri Arman Áshimov te óner kórsetedi. Kezinde kıkbokstan biraz belesterdi baǵyndyrǵan qandasymyz sporttyń bul túrin de erkin meńgerdi. «Mustafa О́ztúrik» degen búrkenshik esimmen tanymal Áshimov Reseıdiń «M-1» nusqasy boıynsha ýaqytsha álem chempıony atandy. Osy kúnge deıin 11 kezdesý ótkizip, 8 ret jeńiske jetti. Ústimizdegi jyldyń 24 mamyrynda Sankt-Peterbýrgte ýkraınalyq Aleksandr Doskalchýkpen kúsh synasyp jatqan jerlesimiz qolyn syndyryp alǵan edi. Sodan biraz ýaqyt emdelip, jarty jyldan asa ýaqytqa sozylǵan úzilisten keıin aıqas alańyna qaıta shyǵýǵa bel býdy. Armannyń qarsylasy – ıspanııalyq Krıstan Garsıa Kollado. Pıreneı túbeginen kelgen sportshy 14 jekpe-jek ótkizip, 10 ret basymdyqqa ıe boldy.
Sonymen qatar, aıtýly jarysta áli eshkimnen jeńilip kórmegen jalyndy jas Shavqat Rahmonov pen saqa sportshy Dmıtrıı Kýdınovtyń da ónerin tamashalaımyz.
Ǵalym SÚLEIMEN,
«Egemen Qazaqstan»
