Jıyndy ashqan Semeı medısına ýnıversıtetiniń rektory Ersin Júnisov Tarbaǵataı aýdanynyń ákimin Qurmet gramotasymen marapattady.
Dildábek Orazbaev óz kezeginde aýdannyń qazirgi jaǵdaıy, damý baǵyttary, memlekettik baǵdarlamalardyń júzege asyrylýy jóninde baıandama jasap, aýdan ardagerlerin «Tarbaǵataı aýdanynyń Qurmetti azamaty» ataǵymen marapattady. Oqýda ózderin úzdik kórsetken stýdentterge syılyqtar men alǵys hattar tabystaldy.
Kezdesý barysynda «Nur Otan» partııasy Semeı qalalyq fılıalynyń uıymdastyrý bóliminiń meńgerýshisi Aıdos Tóleýqanov sóz sóılep, osyndaı sharalardyń oqýyn támamdaýshy jastarǵa da, jas kadrlardy qajet etetin aýdandar úshin de paıdasy mol ekenin atap ótti. Kezdesýde Tarbaǵataı óńiriniń týmalary - Semeı medısına ýnıversıtetinde uzaq jyldar qyzmet atqarǵan ardager Jeńisbek Bazarbekuly jáne terapııa mamandyǵy boıynsha ıntern Janerke Jumaǵalıeva sóz sóıledi. Júzdesý ýnıversıtettiń ónerli stýdentterdiń konsertimen aıaqtaldy.
«Qazirgi tańda Semeı medısına ýnıversıteti Tarbaǵaı aýdany ákimdigimen birqatar baǵyttar boıynsha áriptestik qatynastardy damytýda. Ýnıversıtettiń bilikti mamandary men professorlarynan quralǵan mýltıdıssıplınarlyq top Tarbaǵataı aýdanynda bolyp, aýdan turǵyndaryn qabyldaǵan bolatyn. Aýdan dárigerleriniń biliktiligin kóterý maqsatynda semınar júrgizildi. Sonymen birge, Semeı medısına ýnıversıteti ázirlegen SMU-Konsýltant jobasynyń pılotty aýdany retinde Tarbaǵataı aýdandyq aýrýhanasy taǵaıyndalǵan bolatyn. Kezdesý barysynda ýnıversıtet rektory Ersin Tursynhanuly keler jyly Tarbaǵataı aýdanynda ǵylymı-praktıkalyq konferensııany ótkizý jóninde usynys tastady. Atalǵan bastamaǵa aýdan ákimi Dildábek Tájibaıuly qoldaý bildirdi», - dep jazady ýnıversıtettiń feısbýktegi paraqshasy.
Azamat QASYM,
«Egemen Qazaqstan»
Semeı
