Jetisýdyń agrarshylary jyldy tolaıym tabyspen qortyndylap otyr. О́tken 10 aıdyń ishinde oblysta 591 mlrd teńgeniń ónimi óndirilgen. Azyq-túlik óndirisinde 423 mlrd. teńgeniń ónimi shyǵarylǵan. Onyń 57 mln. AQSh dollary bolatyn ónimi eksportqa jiberildi, bul ótken jyldyń osy merzimimen salystyrǵanda 1,8 esege kóp. Al bıyl alqaptardan 440 myń tonna qyzylshasy jınalyp, ár gektarynan ortasha 400 sentner ónim alyndy.
«Memleket Basshysynyń tapsyrmasyn júzegasyrý maqsatynda biz oblystyń aýylsharýashlyǵyna qajetti qarjylaı, tehnıkalyq qoldaýdy únemi júzege asyryp kelemiz. Sońǵy úsh jyldyń ózinde ozyq tehnologııalar satyp alýǵa jergilikti bıýdjetten 5,6 mlrd. teńge bólinip, 529 birlik tehnıka satyp alyndy. Qazir oblysta 39 servıstik daıyndaý ortalyǵy jumys isteýde. Olarda 942 birlik aýyl sharýashylyǵy tehnıkasy qyzmet kórsetedi. Kelesi jyly taǵy 5 servıstik daıyndaý ortalyǵyn ashýdy josparlap otyrmyz», dedi jıyndaǵy sózinde oblys ákimi A. Batalov.
Saltanatty sharada eńbekkerlerdi oblys ákimi Amandyq Batalov quttyqtap, syıaqy men syılyqtar tapsyrdy. Al «Úzdik aýyl sharýashylyǵy ónimderin óndirýshi men óńdeýshi» nomınasııasynyń jeńimpazy retinde Balqash aýdanyndaǵy «Jaqsylyq» sharýa qojalyǵy tanylyp, qojalyq basshysy, Eńbek Eri Jaqsylyq Úshkempirovke sý jańa «MTZ-82» traktorynyń kilti tabystaldy.
Qalmahanbet MUQAMETQALI,
«Egemen Qazaqstan»
Almaty oblysy
