Mańǵystaý oblystyq Polısııa departamentiniń bastyǵy Qanat Taımerdenov 5 qazanynda Elbasy Qazaqstan halqyna kezekti joldaýyn arnady, onyń bir baǵyty retinde quqyq qorǵaý organdarynyń jumysyn jetildirýdi tapsyrǵandyǵyn baıandaı otyryp, osy joldaýdy júzege asyrý maqsatynda Ishki ister mınıstrligindegi reformalar, Polısııa departamentiniń qazirgi tańdaǵy ahýaly men qazirgi kezdegi oblysymyzdaǵy qylmystyq ahýal jáne qylmystyq quqyq buzýshylyqtardyń aldyn-alý baǵytyndaǵy atqarylǵan jumystar týraly baıandady. Polısııaǵa qatysty turǵyndardyń qoıǵan suraqtaryn tyńdap, jaýap berdi. Sonymen qatar, jazbasha túrde usynylǵan aryzdardy qabyl aldy. Esep berý kezeńinde kezdesýge kele almaǵan, ortalyqtan shalǵaı jatqan aýdan turǵyndarynyń da suraqtaryna jaýap berý maqsatynda beıne selektorlyq rejımdegi baılanys júıesi uıymdastyryldy.
- Bıylǵy 5 qazandaǵy Qazaqstan halqyna Joldaýynda Elbasy Quqyq qorǵaý organdarynyń jumysyna sapaly qaıta qurýlar qajettiligin belgiledi. Qazirdiń ózinde birqatar ózgerister bastalyp ketti. Ishki ister departamentteri men Jergilikti polısııa qyzmeti Polısııa departamenti bolyp qaıta quryldy. Endi oblys ákimderi polısııa organdarynyń aldyna quqyq tártibin qamtamasyz etý boıynsha mindetter qoıady, sondaı-aq Ishki ister mınıstrligine usynys bere otyryp, Departament bastyqtaryn taǵaıyndaıdy jáne bosatady. Polısııanyń jumysy servıstik úlgige kóshirilip, halyqpen jumystyń jańa zamanaýı formattary engizilýde. Elbasynyń tapsyrmasyna sáıkes, polısııa qyzmetiniń ashyq bolýy, sondaı-aq azamattardyń sanasynda «polısııa tek jazalaýshy organ emes, qıyn jaǵdaılarda halyqtyń janynan tabylyp, kómektesetin qyzmet» degen túsinikterdi qalyptastyrý úshin barlyǵyn jasaımyz. Mańǵystaý polısııasy qylmyspen jáne quqyq qorǵaý organdarymen kúresýde eń jańa tehnologııalardy qoldanyp jáne materıaldyq-tehnıkalyq jabdyqtaryn, jaýyngerlik qyzmetti oqytý tártibin damytýda, zań shyǵarý deńgeıinde de, fızıkalyq deńgeıde de kúndelikti shyńdaýda, dedi ol.
Polısııa departamentiniń Oqý-jattyǵý rotasy turǵyndarǵa arnaıy qarý-jaraqtar men jaýyngerlik áreketter kezinde qorǵaný úshin jańa kıim úlgilerin kórsetti.
Sonymen qatar esep berý kezeńinde Departament bastyǵy Qazaqstan Respýblıkasy Úkimetiniń 12.08.2000 jylǵy №1243 sandy «Qylmystyń aldyn –alý, qylmysty ashýǵa kómektesken azamattardy marapattaý týraly» qaýlysyn jáne QR IIM-niń 27.11.2004 jylǵy «Qoǵamdyq tártipti qamtamasyz etý jónindegi is-sharalarǵa azamattardy tartýdyń tártibi, nysandary jáne túrleri týraly, erejeni bekitý týraly» №641 sandy buıryǵyn basshylyqqa ala otyryp, Mańǵystaý oblysy aýmaǵynda qoǵamdyq tártipti jáne qaýipsizdikti qamtamasyz etýge, sonymen qatar qylmystardyń aldyn alý, jolyn kesý, olardyń izin sýytpaı ashýǵa úles qosqan azamattardyalǵys hat jáne tós belgilermen marapattady.
Baıandama polısııanyń shynaıylyǵy, ıaǵnı ashyqtyǵy jaıynda keńes alý úshin kelýshilerge barlyq qolaıly jaǵdaılar jasaý maqsatynda, Departament ǵımaratyna kire beristegi baqylap-ótkizý pýnktine aǵymdaǵy jylǵy qarashada kúrdeli jóndeýler júrgizilip, qaıta jańartyldy. Taldaý nátıjesi kórsetkendeı Departamentke kúnine 150-deı azamattardyń kelýimen baılanysty, baqylap-ótkizý pýnkti eki esege keńeıtilip, qosymsha "front-ofısi" ashylǵandyǵyn, aǵymdaǵy jyldyń sońyna deıin qalalyq jáne aýdandyq polısııa bólinisteriniń janynan osyndaı "front-ofısterdi" ashylýyn josparlanǵanyn baıandady. Ǵımaratqa kireberiste barlyq basshy quramdardyń azamattardy qabyldaý kestesi (aty-jóni, qyzmettik bólmeleri, telefondary) ornatylǵan. Jalpy Polısııa departamentte jyl basynan beri 117 tulǵanyń qatysýymen 32 qabyldaý júrgizilgen.
Polısııa bólinisteriniń kireberisterinde barlyq aqparattar men málimetterdi baqylaýǵa úshin senim telefondary ornatylǵan, sonymen qatar barlyq qońyraýlar men aıtylǵandardy jazyp alatyn, demalys kúnderi men túngi mezgilderde aryz-shaǵymdardy toqtaýsyz qabyldaıtyn «102 operatory» qyzmet jaıynda aqparattar aıtyldy. Halyqpen tikeleı jumys isteıtin barlyq polısııa qyzmetkerleri qyzmet atqarý barysyndaǵy is-áreketteri men quqyq buzýshylyqtardy tirkeýge múmkindik beretin beınetirkegishtermen qamtamasyz etilip, Ishki ister mınıstrligi basshylyǵynyń nusqaýyna sáıkes, qazan aıynan bastap beınetirkegishsiz qyzmetke shyǵýǵa tyıym salynǵandyǵyn jáne Jedel basqarý ortalyǵymen «on-laın» rejıminde polısııa qyzmetkerleriniń jumysyna qadaǵalaý jasaý úshin barlyq qyzmettik avtokólikterge de beınetirkegishter ornalastyrylǵandyǵyn málimdedi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
