Jalpy, 91 istiń- 49-y sotqa jiberilse, 3 is toqtatylǵan. Qalǵan qylmystyq ister boıynsha tergeý amaldary jalǵasýda. Sybaılas jemqorlyqtyń 45 paıyzy - Ekibastuz qalasyna tıesili.
Qalada jyldar boıy memlekettik qordaǵy jer telimderin zańsyz satýmen aınalysqan Jer qatynastary bóliminiń qyzmetkerleriniń áreketteri áshkerelengen. Olar jer telimderin 100 myń teńgeden 150 myń teńgege deıingi baǵamen zańsyz satyp kelgen.
Al, oblys ortalyǵynda sybaılas jemqorlyq barysyndaǵy qylmystarynyń 41,3 paıyzy tirkelgen kórinedi. Departament ókilderi memleket qarjysyn talan-tarajǵa túsiretinderge jol bermeý úshin naqty jumys jasaýda.
Sybaılas jemqorlardyń deni-jergilikti atqarýshy organdarynda- jer qatynastary, áleýmettik sala, aýyl sharýashylyǵy jáne qurylys sektorlary salalary boıynsha ustalǵandar. Para bertinder sany da kóbeıgen. Zańsyz áreketter de az emes.
Mysaly, «QazAvtojol» AQ-nyń oblystyq fılıalynyń, «Pavlodar jol zerthanasynyń» basshylyǵyna qatysty qazir qylmystyq is júrgizilýde.
О́ńirde «Nurly jol» memlekettik baǵdarlamasy boıynsha «Astana-Pavlodar» avtoban qurylysyn júrgizip jatqan merdiger uıymdardyń basshylarynan atqarylǵan jumystar aktisine qol qoıý barysynda para aldy degen kúdik boıynsha tergelýde.
Oblystyq fılıalǵa burynǵy basshy Qaırat Káribaev qyzmetinen ketkeli alty aıdaı ýaqyt boldy, eshkim taǵaıyndala da qoımapty.
Al, 2015 jyly bastalǵan «Astana-Pavlodar» avtoban jol qurylysynyń bıyl da aıaqtalmaıtyn túri bar. Jańa qurylys-jol salýda jemqorlyqqa tunshyqqan jemqorlardyń kesirinen qarapaıym halyq, júrgizýshiler eki arada jol mehnatyn kórýde.
Sybaılas jemqorlyqqa qarsy is-qımyl qyzmetiniń mamandary zańsyzdyqtardyń aldyn alý baǵytynda da atqarylyp jatqan jumystarynyń nátıjesinde kez kelgen qylmystyq istiń áshkere bolatynyn eskertedi.
Farıda BYQAI,
«Egemen Qazaqstan»
PAVLODAR
Sýrette : Astana-Pavlodar joly aıaqtalmaǵan
