Bul kúnderi oblys ortalyǵyndaǵy «Munaı-hımııa zaýyty» JShS jańǵyrtýdan ótken soń jylyna 6,8 mıllıon tonna munaıdy óńdeı alatyn qýatty múmkindikke jetti.
Mysaly, óńirde óndiriletin mys, ferroqorytpa, óńdelmegen alıýmınıı álemniń 40-tan astam eline jiberiledi. Bıyl eksporttyq taýar almasý 2 esege, syrtqa shıkizattyq emes ónimdi satý kórsetkishi 2,5 esege ósken.
Al, elektr energııasynyń 22 mlrd. kVt/saǵ syrtqa eksporttalady jáne elimizdiń ózge óńirlerine taratylady. Jyl basynan beri oblys aýmaǵyndaǵy stansalarda 38 mlrd. kVt/saǵ elektr energııasy óndirildi.
Kelesi jyly «Eýroazıattyq energetıkalyq korporasııasy» AQ-qa qarasty №5 shi energoblok paıdalanýǵa beriledi.
Sonymen qatar, Ekibastuzdaǵy GRES-2 stansasynyń №3 shi energoblok qurylysy jalǵasýda.
Keler jyly oblys ortalyǵynda, Aqsý, Ekibastuz qalarlarynda jylýmen qamtý tarıfi 7 paıyzǵa, elektrmen qamtý quny 3,1 paıyzǵa, sýmen jabdyqtaý tarıfi 9,4 paıyzǵa tómendeıdi.
Farıda BYQAI,
«Egemen Qazaqstan»
PAVLODAR
