«Halyqaralyq syılyq ıegeri, tańǵaldyrar ánshi Dımash tamasha oryndaýymen tyńdarmandardy tánti etti», dep jazdy baıqaý uıymdastyrýshylary. Dımash bul joly óziniń kompozıtorlyq shyǵarmasy «Umytylmas kún» ánin shyrqady. Álemniń túkpir-túkpirindegi Dımashtyń ónerine tánti bolǵan jeli qoldanýshylarynyń shat-shadyman rızashylyqtary sát saıyn tolassyz aǵylýda.
«Birneshe jyl buryn qazaq tilindegi án «Álem arýy» baıqaýynda oryndalady dese kim sener edi. Dımash sen múmkin emesteı kórinetin bıikterdi baǵyndyryp kelesiń», dep jazdy ánshiniń eldegi tyńdarmandarynyń biri.
«Álem arýy-2018» fınaly 200-ge tarta memlekettiń telekórermenderine tikeleı efırde taratyldy. Dımash bul baıqaýǵa Qazaqstannyń atynan óner kórsetken Ekaterına Dvoreskaıaǵa qoldaý kórsetý maqsatynda barǵan bolatyn.
Aıa О́MIRTAI,
«Egemen Qazaqstan»
