Memleket basshysynyń byltyrǵy jyly jaryq kórgen «Bolashaqqa baǵdar: rýhanı jańǵyrý» baǵdarlamalyq maqalasynyń jalǵasy bolǵan «Uly dalanyń jeti qyry» atty maqalasy erekshe oı salyp, asqaq shabytymyzdy oıatty desek bolady. Elbasy bizdiń ejelgi mádenıetimizge, ejelgi órkenıetimizge oralý, qaıtyp barý kerek degendi aıtyp otyr. Sonaý Altyn Orda dáýirinen bastap qalyptastyrǵan órkenıetimizdi qaıta oı eleginen ótkizip, jańǵyrtýǵa basa mán berilgeni qýantady. О́ıtkeni biz joqtan paıda bolǵan el emespiz. Biz úsh myń ǵasyrǵa sozylǵan Uly kóshpendiler mádenıetiniń tikeleı osyndaǵy ókilimiz, Túrik ımperııalarynyń urpaǵy bolyp sanalamyz.
Prezıdentimiz bul maqalada atqa otyrý mádenıetinen bastap, ejelgi «ań stıli» ónerin tilge tıek etedi. Uly Jibek joly – bizdiń keń-baıtaq jerimizden ótip, dúnıe júzin baılanystyrǵan álemdegi órkenıetterdiń qalyptasýyna aıryqsha úles qosqan jol edi. Tarıhı sanany qaıta jańǵyrtý jónindegi pikirin aıta kele, naqty jobalardy oılastyrýǵa ıdeıa tastaýy, «ult tarıhyn sanaǵa sińirý barsha qazaqstandyqtardyń boıynda óz bastaýlaryna degen ortaqtyq sezimin qalyptastyrady» degen senimi barshamyzǵa jaýapkershilik júktedi.
О́tkenimizdi bilmeı, bolashaǵymyzǵa bir qadam jaqyndaı almaıtynymyz anyq. Biz osyǵan deıin ekonomıkamyzdyń damýy, gúldenýi jolynda eńbek etsek, endigi jerde túp-tamyrymyzǵa qaıta kelip, shyn mánindegi rýhanı jańǵyrýǵa aıaq bastyq. Keshegi aıtqan rýhanı jańǵyrý, ulttyq kod ıdeıalarynyń jalǵasy bolǵan maqalamen tolyq tanysyp, barlyq taraý-tarmaqtaryn oqı kele, bul maqalanyń jarııalanǵanyna qýanyp otyrmyn.
Serik Aqsuńqaruly,
aqyn, Qazaqstannyń eńbek sińirgen qaıratkeri
