Aýdan ákimi Baýyrjan Qasenov aýyldyń órkendeýine úles qosyp júrgen aýyl halyqna jumys berip otyrǵan «Galıskoe» JShS, «Aldııar» jáne «Eginbaı», «BIK», «Anna», «Shyńǵyshan», «Shtrek» sharýa qojalyqtarynyń basshylaryna aýdan halqy atynan alǵys bildirdi. Mysaly, shalǵaıdaǵy Qarataı aýylyndaǵy egin jáne mal sharýshylyǵymen aınalysatyn «Shyńǵyshan» sharýa qojalyǵyna turǵyndar yrza.
Aýyl ishilik jumystarǵa kómek berip, qaıyrymdylyq jasap, qoldaý kórsetedi. Barlyq mereke kúnderi mektep oqýshylaryn syılyqtarymen qýantady. Qysty kúnderi sharýa qojalyǵynyń tehnıkalary joldy qalyń qardan tazalaıdy. Al, Aleksandr Kasısyn basqaratyn «Galıskoe» JShS-da qýattylyǵy aýsymyna 4,8 tonna kúnbaǵys maıyn óndiretin zaýyt jumys jasaıdy. Quny 1 mlrd teńge turatyn 1 myń bas qara mal turatyn keshen salynýda. Sonymen birge, «Aldııar», «Eginbaı» sharýa qojalyqtarynda zamanaýı modýldik astyq keptirgish qurylǵy ornatyldy. Bularmen birge «BIK» sharýa qojalyǵy sýarmaly egis alqabyn 200 gektarǵa, «Anna» sharýa qojalyǵy 160 gektarǵa, «Shtrek» sharýa qojalyǵy 80 gektarǵa keńeıtýdi josparlaýda.
Jıynda aýyldyń órkendeýine úles qosqan Aqylbek Qabıev, Raqym Músálımov, Abaı Súleımenov, Dúısenbi Kúljanov, Vera Erashova,Nına Svırıdenko, Petr Flıýnt sekildi eńbek ardagerleri «Aýdannyń Qurmetti azamattary» ataǵyna ıe boldy. Al, «Týǵan jerge taǵzym» sharasy barysynda aýyldyń ósip-órkendeýine úles qosyp júrgen jáne osy sharaǵa belsene qatysqan Aleksandar Kasısyn, Jolaman Musabekov, Sergeı Sarýdjıdı, Sergeı Cherevko sııaqty aýyldyń isker kásipkerleri «Jyl mesenattary» atandy. Merekelik shara jergilikti óner ujymdarynyń konserttik baǵdarlamasyna ulasty.
Farıda BYQAI,
«Egemen Qazaqstan»
Pavlodar oblysy,
Ýspen aýdany
