Is-sharaǵa Qazaqstan halqy Assambleıasy Tóraǵasynyń orynbasary-hatshylyq meńgerýshisi Leonıd Prokopenko, «Nur Otan» partııasynyń hatshysy Farhad Qýanǵanov, oblys ákiminiń orynbasary Madııar Qojahmet, qoǵamdyq uıymdar, etnomádenı birlestikter, «Jańǵyrý joly» jastar qozǵalysynyń ókilderiniń qatysýymen Elbasynyń jurtshylyqqa usynǵan bes áleýmttik bastamanyń júzege asyrylýy jaıy qaralyp, talqylandy.
Plenarlyq otyrys aldynda Qazaqstan halqy Assambleıasy Tóraǵasynyń orynbasary-hatshylyq meńgerýshisi L. Prokopenko Sálimjan Sábıtovke «Assambleıa men «Altyn qyran» halyqaralyq qaıyrymdylyq qory atynan avtokóliktiń kiltin saltanatty túrde tabys etti. Sálimjan múmkindiginiń shekteýligine qaramastan túrli ıgi isterge muryndyq bolyp júr. Jergilikti jerde «Teń jol» avtomektebin ashqan bastamasy úshin joǵarydaı marapatqa ıe boldy. Sóz arasynda onyń «Samuryq-2018» baıqaýynyń «Jyl jańalyǵy» atalymy boıynsha jeńimpaz atanǵanyn aıta ketken jón. Budan bylaı kemtar jandar da kólik júrgizýdi úırenip, jolaýshylar tasymalymen aınalysatyn bolady. Búginde oblys ortalyǵynda 8 myńnan astam múmkindigi shekkeýli adam esepte turady.
V. Prokopenko óz sózinde úsh myńnan astam qoǵamdyq kelisim keńesteri qurylǵanyn, olardyń jumystaryna Prezıdenttiń tapsyrmalary men Joldaýlarda belgilengen basym baǵyttardy túsindirý, respýblıka turǵyndarynyń ómir sapasyn arttyrýǵa baǵyttalǵan jobalardy iske asyrý, túrli qaıyrymdylyq sharalaryn atqarý, tájirıbeler almasý, áleýmettik-saıası naýqandarǵa belsene aralasý tán ekenin atap ótti. Osy kezge deıin 17 myńnan astam is-shara uıymdastyrylyp, bir mıllıondaı adam qamtylǵan. Áleýmettik máselelerge basa nazar aýdarylyp, turǵyndardyń ótinish-tilekteriniń, aryz-shaǵymdarynyń ýaqytyly sheshim tabýyna yqpal jasalynady. Túıtkildi problemalardy birlesip sheshýde bılik oryndary men qoǵamdyq uıymdar arasyndaǵy baılanysty jaqsartýdyń joldaryn áńgimeledi.
F. Qýanǵanovtyń aıtýynsha, búgingi basty talaptardyń biri Prezıdenttiń «7-20-25» baǵdarlamasyn jete nasıhattaý, ár qazaqstandyqqa mańyzyn túsindirý. Bul baǵyt boıynsha úlgi eterlik nátıjeler barshylyq. Sońǵy kezderi belsendiliktiń arta túskeni baıqalady.Ákimdikter jas otbasylar men bıýdjet qyzmetrkerlerine jaǵdaı jasaýda.
Basqa da sóıleýshiler baǵdarlamalardyń oryndalý barysyna,bıýdjettiń ıgerilýine baqylaýdy kúsheıtý, memleket pen qoǵam jáne jurtshylyq arasyndaǵy keri baılanysty nyǵaıtý, tabystardy qamtamasyz etetin barlyq tetikterdi qoldaný máselelerin sóz etti.
Forýmda qoǵamdy áleýmettik jańǵyrtýǵa baǵyttalǵan basqa da joba-baǵdarlamalardyń qorytyndysy shyǵarylyp, birqatar mindetter belgilendi.
О́mir ESQALI,
«Egemen Qazaqstan»
Soltústik Qazaqstan oblysy
