Armenııadaǵy kezekten tys Parlament saılaýynda Nıkol Pashınıan «Meniń qadamym» blogymen kósh bastap tur. Armenııa Ortalyq saılaý komıssııasynyń aldyn ala taratqan aqparaty osy. Erevan balabaqshasyndaǵy saılaý ýcheskesine Pashınıan áıeli jáne qyzdarymen birge keldi.
Saılaýǵa 9 partııa men 2 blok qatysty. Onyń ishinde Eýropadaǵy qaýipsizdik jáne Yntymaqtastyq Uıymynan (EQYU) 17 myń baqylaýshy daýys berdi
«Osy saılaý tóńiregindegi ahýal basqasha jáne biz muny óte jaqsy túsinemiz. Biraq biz beıtarap, táýelsiz bolýymyz kerek jáne eshqandaı saıası kóńil-kúıge berilmeýimiz kerek», dedi EQYU baqylaý komıssııasynyń basshysy Ýrsýla Gachek.
Armenııanyń jańa konstıtýsııasy boıynsha parlamenttik respýblıka jáne el azamattary «Barqyt» tóńkerisinen keıin saılanǵan Ulttyq jınalys olardyń úmitterin aqtaıtynyna senedi.
«Men jańa Parlamentke birinshi kezekte armııany súıetin patrıot adamdar kiredi dep úmittenemin. Armıan halqy zańdy saqtaıdy», «Men ózgerister kútemin. Eldiń damýyna alyp keletin ózgerister», dep qarapaıym halyq pikir bildirip jatyr.
Respýblıkashyldardy basqaratyn burynǵy Qorǵanys mınıstri Vıgen Sargsıan saılaý ýchaskesine otbasymen keldi. Bıýlletendi jáshikke salmas buryn saılaýdan keıin Armıan qoǵamynyń briktiriletininen úmitti ekenin jetkizdi. Burynǵy bıleýshi partııanyń Parlamentke ótpeýi múmkin. Respýblıkashylar daýys berý barysynda zań buzýshylyqtardyń ornyn alǵanyn málimdedi. Ekinshi orynda kásipker Gagık Sarýkıannyń «Kórkeıgen Armenııa» partııasy jáne úshinshi orynda «Dashnaksýtıýn» partııasy tur.
